ចូលរួមត្រេកអរប្រពន្ធកីឡាករ ឡៅ ចិត្រា ក៏ជាពីជំងឺកូវីដ ១៩ ដែរថ្ងៃនេះ

2021-06-02 05:21:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ចូលរួមត្រេកអរភរិយាកីឡាករជើងខ្លាំង ឡៅ ចិត្រា បានជាពីជំងឺកូវីដ ១៩ វិញហើយថ្ងៃនេះ ខណៈបងថ្លៃរបស់គេ ឡៅ ចន្ទ្រា ក៏បញ្ចប់ការធ្វើចត្តាឡីស័កអាចត្រលប់ទៅផ្ទះវិញដែរ។

វណ្ណនន់ និង ចិត្រា

បើតាមការឲ្យដឹងពីអ្នកនាង វេត វណ្ណនន់ ដែលជាភរិយា ឡៅ ចិត្រា មុននេះបញ្ជាក់ថានៅពេលនេះរូបគេបានជាសះស្បើយពីជំងឺកូវីដ ១៩ វិញហើយថ្ងៃនេះបន្ទាប់ពីគ្រូពេទ្យតេស្តឃើញអវិជ្ជមានជាបន្តបន្ទាប់។ ជាមួយគ្នានេះដែរកីឡាករ ឡៅ ចន្ទ្រា ដែលជាបងថ្លៃរបស់ វណ្ណនន់ ក៏បានបង្ហោះលើហ្វេសបុករបស់គេថា ថ្ងៃនេះខ្លួនក៏បញ្ចប់ការធ្វើចត្តាឡីស័ក និងបានការអនុញ្ញាតទៅផ្ទះវិញបាន។

ចន្ទ្រា ពេលធ្វើចត្តាឡីស័កកន្លងទៅ

រំលឹកដែរថា អ្នកនាង វេត វណ្ណនន់ ភរិយារបស់កីឡាករ ឡៅ ចិត្រា បានឆ្លងកូវីដ ១៩ កាលពីថ្ងៃទី១៩ ខែឧសភា ឆ្នាំ២០២១ នៅឯខេត្តកែប។ ចំណែក ឡៅ ចន្ទ្រា ឡៅ ស៊ីណាត ខេម ចាន់ ក៏ត្រូវធ្វើចត្តាឡីស័ករយៈពេល១៤ថ្ងៃផងដែរបន្ទាប់ពី ចិត្រា រកឃើញថាមានកូវីដ ១៩៕

អត្ថបទ៖ នួន ស៊ីណា