Neuer ថាអាល្លឺម៉ង់ ខ្លាចខ្សែប្រយុទ្ធ Harry Kane របស់អង់គ្លេស

2021-06-29 04:08:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ជម្រើសជាតិអាល្លឺម៉ង់នឹងត្រូវទៅប្រកួតនៅទឹកដី Wembley ទល់ក្រុមជម្រើសជាតិអង់គ្លេសនៅម៉ោង១១យប់នេះហើយ សម្រាប់វគ្គ១៦ក្រុមចុងក្រោយពានរង្វាន់ Euro 2020 ។

មុនការប្រកួតនេះចាប់ផ្ដើម គេសង្កេតឃើញថាសមាជិកក្រុមអង់គ្លេសបានបង្ហាញទំនុកចិត្តខ្ពស់មុនការប្រកួត។ ពួកគេបានចាត់ទុកលទ្ធផលកាលពីអតីតកាលទល់អាល្លឺម៉ង់ ជារឿងហួសទៅហើយ មិនអាចមកនិយាយជាមួយបច្ចុប្បន្នបាននោះទេ ហើយវាក៏មិនមានឥទ្ធិពលអ្វីមកដល់ពេលនេះដែរ។

ក្នុងឱកាសនេះដែរ ខាងអាល្លឺម៉ង់បែរជាដាក់ខ្លួនច្រើនទៅវិញ។ ជាក់ស្ដែងប្រធានក្រុម Manuel Neuer បាននិយាយថាក្រុមអាល្លឺម៉ង់ពេលនេះភ័យខ្លាចចំពោះខ្សែប្រយុទ្ធ Harry Kane របស់អង់គ្លេសខ្លាំង។ កន្លងមកអាល្លឺម៉ង់បានធ្លាប់ប្រកួតជាមួយអង់គ្លេសរួចទៅហើយ និងបានស្គាល់ច្បាស់ពីក្រុមមួយនេះ ជាពិសេសតំបន់ប្រយុទ្ធដ៏មុតស្រួចរបស់តោកំណាចតែម្ដង។ Kane ជាកីឡាករល្អទាំងព្រម ទាំងបាល់លើ និងក្រោម មួយវិញទៀតកាយសម្បទារបស់គេក៏អំណោយផលផងដែរ។

រំលឹកថានៅរាត្រីនេះ លេងក្នុងកីឡដ្ឋាន Wembley របស់អង់គ្លេស។ ការប្រកួតនេះ មានអ្នកគាំទ្រអាល្លឺម៉ង់តែ១ ៥០០នាក់ប៉ុណ្ណោះបានចូលទស្សនា ក្រៅពីនោះសុទ្ធតែអ្នកគាំទ្រអង់គ្លេសទាំងអស់។ ការណ៏ដែលមានអ្នកគាំទ្រអាល្លឺម៉ង់តិចនេះ ក៏ព្រោះតែច្បាប់ធ្វើដំណើររវាងប្រទេសទាំងពីរ អំឡុងពេលកូវីដ១៩ផ្ទុះឡើង៕

ប្រភព៖ www.afp.com អត្ថបទ៖ វិធាវី