សេន ប៊ុនថេន និយាយអ្វីខ្លះចំពោះជំនួបសងសឹក ឡៅ ចន្ទ្រា ថៃ រិទ្ធី

2021-09-10 04:47:57
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតជើងខ្លាំងប្រដាល់គុនខ្មែរ សេន ប៊ុនថេន ថាជំនួបសងសឹករវាង ឡៅ ចន្ទ្រា និង ថៃ រិទ្ធី ជាការប្រកួតកក្រើកគួរឲ្យចាប់អារម្មណ៍ ចំពោះស្នៀតវិញអ្នកល្អដៃគឺជាក្បាច់សម្លាប់លេខ១ហើយ។

រិទ្ធី ប៉ះ ចន្ទ្រា កាលលើកទី២

សេន ប៊ុនថេន បង្ហាញការយល់ឃើញផ្ទាល់ខ្លួនថា ជំនួបលើកទី៣នេះនឹងល្អមើល ហើយសង្ឃឹមថាពួកគេមិនធ្វើឲ្យអ្នកគាំទ្រខកបំណង។ ចំពោះគូនេះលោកគិតថាមិនលើសខ្វះគ្នាប៉ុន្មានទេ។

បើនិយាយពីក្បាច់ស្នៀតវិញ ថៃ រិទ្ធី ល្អកណ្ដាប់ដៃ ហើយកីឡាករដែលល្អស្នៀតដៃនេះគឺជាក្បាច់សម្លាប់មានប្រសិទ្ធភាពជាងក្បាច់ណាៗទាំងអស់។ ចំណែក ឡៅ ចន្ទ្រា ល្អគ្រប់ក្បាច់ ជាពិសេសជង្គង់ ប៉ុន្តែបើកម្លាំងស៊ុហ្វមិនដល់៥ទឹកទេគឺយ៉ាប់បន្តិចហើយ។ ដូច្នេះមានតែចាំមើលថាកម្លាំង ចន្ទ្រា ខ្លួនឯងមានដល់កម្រិតណា។

ចន្ទ្រា ពេញចាញ់ រិទ្ធី លើកទី១

រំលឹកដែរថា កីឡាករ ឡៅ ចន្ទ្រា នឹងត្រូវប៉ះ ថៃ រិទ្ធី ជាលើកទី៣ នៅសង្វៀនបាយ័ន ក្នុងកម្មវិធីខារ៉ាប៉ាវ ថ្ងៃអាទិត្យ ទី១២ ខែកញ្ញា ២០២១ នេះ។ ការប្រកួតនេះជាការរៀបចំឲ្យសងសឹកផង និងដណ្ដើមប្រាក់លានផងពីសង្វៀនបាយ័ន។ ចន្ទ្រា ធ្លាប់ចាញ់សន្លប់ក្នុងទឹក៣ ចុងខែមិថុនា ខណៈការប្រកួតលើកទី២ មិនប្រកាសលទ្ធផល និងត្រូវបញ្ចប់ត្រឹមដើមទឹក១៕

អត្ថបទ៖ នួន ស៊ីណា