ហ៊ុន ចន្ទរាជ្យ សរសើរ Daniel ទោះមិនមែនអ្នកប្រដាល់អាជីព ប៉ុន្តែមានចំណុចល្អច្រើន

2021-09-27 09:06:34
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូប្រដាល់ប្រចាំក្លឹប Cambodian Top Team លោក ហ៊ុន ចន្ទរាជ្យ សរសើរ Daniel ថាបើទោះជារូបគេមិនមែនជាអ្នកប្រដាល់អាជីព ប៉ុន្តែមានការតស៊ូប្រឹងប្រែងល្អ ថែមទាំងអាចវ៉ៃកំដរ ម៉ឺន សុភា រហូតចប់ទឹកផងដែរ។

Daniel Chanreach

លោក ហ៊ុន ចន្ទរាជ្យ បានឲ្យដឹងថា Daniel បើទោះជាទើបហ្វឹកហាត់គុនខ្មែរមែន ប៉ុន្តែសមត្ថភាព និងការប្រកួតធ្វើបានល្អ។ គេប្រឹងប្រែងក្នុងការហ្វឹកហាត់ និងជាកីឡាករមានចិត្តមោះមុតអង់អាចក្លាហានថែមទៀតផង ទោះដៃគូវ៉ៃចូលច្រើនហើយឈឺយ៉ាងណាក៏តស៊ូបន្តការប្រកួតដែរ។

សម្រាប់ការប្រកួតជាមួយ ម៉ឺន សុភា នេះទោះមិនទទួលបានជ័យជម្នះក្ដី តែវាជាបទពិសោធល្អចំពោះ Daniel ព្រោះគេអាចដឹងពីចំណុចល្អ ភាពខ្វះខាតរបស់ខ្លួន និងត្រូវហ្វឹកហាត់ពង្រឹងសមត្ថភាពបន្ថែមត្រង់ផ្នែកណា។ ប្រសិនបើបុរសជនជាតិ កាណាដា រូបនេះបន្តប្រឹងប្រែងហាត់ទៀតនោះជឿជាក់ថានឹងក្លាយជាអ្នកល្បីមួយនៅកម្ពុជា។

Daniel Chanreach

រំលឹកដែរថា កីឡាករ Daniel Chanreach ជាអ្នកមកធ្វើការនៅប្រទេសកម្ពុជា និងបានឡើងប្រកួតខ្ទង់ជាង ៣០ដងប៉ុណ្ណោះ។ អ្នកប្រដាល់រូបនេះគឺហ្វឹកហាត់នៅក្លឹប Cambodian Top Tea។ ប្រកួតចុងក្រោយយប់មិញនេះនៅបាយ័ន ចាញ់ពិន្ទុ ម៉ឺន សុភា៕

វីដេអូ៖