ស្អែកដល់ពេលដោះស្រាយបញ្ជីចាស់ ឡៅ ចិត្រា ឬ ផល សោភ័ណ្ឌ ជាអ្នកឈ្នះ

2021-10-26 02:39:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្អែកនេះគឺដល់ថ្ងៃដែលត្រូវសងសឹកគ្នាហើយរវាង ឡៅ ចិត្រា និងកីឡាករជើងចាស់ ផល សោភ័ណ្ឌ ក្នុងកម្មវិធីគុនខ្មែរអលស្តារវគ្គ២ ខណៈការប៉ះគ្នាលើកទី១ មានបែក មានអត់ខ្សែក្រវាត់ជាដើម។

កីឡាករ ផល សោភ័ណ្ឌ

អំឡុងឆ្នាំ២០១៨ ដែលជាវគ្គផ្ដាច់ព្រ័ត្ររវាង ចិត្រា និង ផល សោភ័ណ្ឌ គឺកក្រើកតែម្ដងពោលគ្មានឡើយការយោគយល់ គ្មានឡើយការលាក់អាវុធនោះ។ នៅពេលនោះផងដែរខ្សែក្រវាត់បានលើ សោភ័ណ្ឌ ប៉ុន្តែមានស្នាមបែកថ្ពាល់ខាងខាងឆ្វេងក៏មិនតិចថ្នេរដែរ។

សោភ័ណ្ឌ ពេលឈ្នះ ចិត្រា

មុនឈានដល់ការប្រកួតស្អែកនេះ សោភ័ណ្ឌ លើកឡើងថា ការប្រកួតរបស់ខ្លួនច្បាស់ជាកក្រើក និងអស់ៗពីសមត្ថភាព មួយវិញទៀតជាការរុំអំបោះឆៅជាលើកទី១ នៅកម្ពុជាផង។ ចំពោះសមត្ថភាពវិញគឺ ចិត្រា ល្អមួយឈុតឆ្វេង។ ចំណែក ចិត្រា វិញលើកដែរថា ខ្លួនមិនជាបារម្ភអ្វីច្រើននោះទេ ពោលប្រឹងហ្វឹកហាត់ឲ្យពេញ។ រឿងដែល ផល សោភ័ណ្ឌ ល្អដៃនោះខ្លួនក៏មិនឈរឲ្យវ៉ៃដែរ។

សោភ័ណ្ឌ ពេលឈ្នះខ្សែក្រវាត់

រំលឹកដែរថា ឡៅ ចិត្រា ធ្លាប់ចាញ់ពិន្ទុ ផល សោភ័ណ្ឌ ១ដងនៅអំឡុងឆ្នាំ២០១៨ វគ្គផ្ដាច់ព្រ័ត្រខ្សែក្រវាត់ខារ៉ាបាវ។ ចំពោះជំនួបសងសឹករវាងអ្នកទាំងពីរនេះនឹងធ្វើឡើងនៅថ្ងៃស្អែកទី២៧ ខែតុលា ឆ្នាំ២០២១ លើសង្វៀន ទទក និងហ្វេសបុក Sorn Elite Kun khmer all star វេលាម៉ោង ៧.៣០នាទីយប់៕

អត្ថបទ៖ នួន ស៊ីណា