ផុតទុក្ខហើយ! ក្រោយនាំគ្នាបារម្ភខ្លាច IU ឆ្លងកូវីដ ឥលូវលទ្ធផលចេញហើយ

2021-11-11 04:08:39
ចំនួនមតិ 0 | ចំនួនចែករំលែក 0

ចន្លោះមិនឃើញ

មុននេះ ផលិតកម្ម EDAM បានជម្រាបដំណឹងទៅកាន់អ្នកគាំទ្រទាំងអស់ពីលទ្ធផលរបស់ IU ក្រោយមានព័ត៌មានថា តារាចម្រៀង Lim Chang Jung បានឆ្លងមេរោគកូវីដ កាលពីដើមសប្ដាហ៍នេះ។

«សួស្ដី នេះគឺ ផលិតកម្ម EDAM! រម្លឹកទៅថ្ងៃទី០៨ ខែវិច្ឆិកា យើងបានទទួលសេចក្ដីរាយការណ៍មកថា មានអ្នកនៅក្នុងមង្គលការដែល IU បានចូលរួមដែលនោះមានជំងឺកូវីដ១៩។

IU បានច្រៀងបទចម្រៀងអបអរទាំងពាក់ម៉ាសត្រឹមត្រូវ ហើយពេលច្រៀងចប់ ក៏បានចាកចេញពីទីតាំងភ្លាមៗ ដោយនាងមិនបានទៅជិតអ្នកដែលមានវិជ្ជមានកូវីដទេ។

ទោះជាយ៉ាងណាក៏ដោយ ជាវិធានការបង្ការ IU និងក្រុមការងារផ្សេងទៀត មានន័យថាអ្នកដែលមានវត្តមាននៅទីនោះ ត្រូវធ្វើតេស្តរហ័ស (PCR) ទាំងអស់គ្នា។ ជាលទ្ធផល ពួកគេ អវិជ្ជមានទាំងអស់។

IU ក៏នឹងបន្តអនុវត្តតាមការណែនាំ ដោយនៅដាច់ដោយឡែកពីគេ ហើយយើងនឹងប្រឹងប្រែងឲ្យអស់ពីសមត្ថភាព ដើម្បីការពារសុវត្ថិភាព និងសុខភាពរបស់តារារបស់យើង។ សូមអរគុណ!»

ប្រភព៖ Allkpop ប្រែសម្រួល៖ យី សុធារី