ជារៀងរាល់ឆ្នាំ ទស្សនាវដ្តីដ៏ល្បី Time បានដាក់ឈ្មោះឱ្យមនុស្សដែលមានឥទ្ធិពលបំផុតប្រចាំឆ្នាំ “Person of the Year” តាំងពី ឆ្នាំ១៩២៨ មកម៉្លេះ ហើយនៅឆ្នាំ២០២១នេះ Elon Musk ត្រូវបានជ្រើសរើស ជាមនុស្សមានឥទ្ធិពលបំផុតប្រចាំឆ្នាំ។

ក្នុងការជ្រើសរើស មានចម្ងល់ជាច្រើនបានលើកឡើងថា ហេតុអ្វីក៏បុគ្គលនោះជា Elon Musk តើទស្សនាវដ្ដីនេះគេរើសមនុស្សសំខាន់ៗដោយរបៀបណា?

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

ការជ្រើសរើសបុគ្គលទាំងនេះ ផ្ដោតទៅលើបុគ្គលដែលមានឥទ្ធិពលរំជើបរំជួលទៅដល់ព័ត៌មានពិភពលោក ជីវិតមនុស្ស មិនថាទាំងរឿងល្អ ឬមិនល្អនោះទេ។

មិនតែប៉ុណ្ណោះ បុគ្គលទាំងនោះត្រូវបានជ្រើសរើសជាសម្ងាត់ ពីទស្សនាវដ្ដី Time ក្រោមការសម្រិតសម្រាំងពីអ្នកនិពន្ធ ឬអ្នកប្រែសម្រួល ដោយស្ដាប់សំឡេងរបស់អ្នកអាន យ៉ាងយកចិត្តទុកដាក់។

បន្ថែមពីនេះ តាមហេតុផលជ្រើសរើសខាងលើ បុគ្គលដែលអាចចុចឈ្មោះជា Person of the Year អាចមិនមែនជាជាវីរៈជន ជនដែលបានស្លាប់ទៅ និងជាបុគ្គលដែលពិភពលោកខ្លាចរអារផងដែរ៕

ប្រភព៖ Time   ប្រែ​សម្រួល៖ កុសល