Supercomputer បានទាយថាចប់រដូវកាលបិសាចក្រហមនឹងឡើងមកលេខ…
- 2022-01-05 02:36:20
- ចំនួនមតិ 0 | ចំនួនចែករំលែក 0
Supercomputer បានទាយថាចប់រដូវកាលបិសាចក្រហមនឹងឡើងមកលេខ…
ចន្លោះមិនឃើញ
ក្រុមបិសាចក្រហម Manchester United នឹងបញ្ចប់នៅលេខ៤ នៃតារាង English Premier League រដូវកាលនេះ បើតាមការទាយរបស់ Supercomputer បើទោះពួកគេបច្ចុប្បន្នស្ថិតនៅលេខរៀងទី៧ក៏ដោយ។
បិសាចក្រហមបានបរាជ័យក្រោមថ្វីជើង Wolves ១ កាលពីសប្ដាហ៍ទី១៩ របស់ពួកគេ ដែលលទ្ធផលនេះធ្វើឲ្យ Manchester United តាមពីក្រោយក្រុមលេខ៤ បច្ចុប្បន្ន Arsenal ចំនួន៤ពិន្ទុដោយកាំភ្លើងធំមាន៣៥ ឆ្លងកាត់ការប្រកួត២០លើក ខណៈដែលបិសាចក្រហមមាន៣១ឆ្លងកាត់១៩ប្រកួត។
យ៉ាងណាបើតាមការបង្ហាញរបស់ bettingexpert.com បានឲ្យដឹងថា បិសាចក្រហមកំពុងស្ថិតក្នុងការរៀបចំឲ្យបានល្អឡើងវិញក្រោមការដឹកនាំរបស់ Ralf Rangnick ដើម្បីឲ្យក្រុមមួយនេះអាចមានកៅអីប្រជែងក្នុងពានរង្វាន់ អឺរ៉ុបបាននារដូវកាលក្រោយ។ នេះមានន័យថា ពួកគេនឹងត្រូវតែប្រឹងប្រែងដើម្បីស្វែងរកលេខរៀងក្នុងប្រអប់ Top 4 ក្នុងតារាងក្រោយពេលបញ្ចប់រដូវកាលនេះ។
រំលឹកថា Supercomputer ក៏បានទាយកាលពីដើមរដូវកាលរួចមកហើយថា Manchester City នឹងឈ្នះពាន EPL នារដូវកាលនេះ។ ខណៈដែលបច្ចុប្បន្នត្រូវបានបង្ហាញថា មេឃខៀវកំពុងស្ថិតកំពូលតារាងហើយដាច់ក្រុមលេខ Chelsea រហូតដល់១០ពិន្ទុបាត់ទៅហើយ៕