បណ្ដាញវីដេអូដ៏ធំ YouTube មានបំណងចូលទៅកាន់ទីផ្សារ NFT ដែលគេហៅជា កម្មសិទ្ធិឌីជីថលមានតែមួយ ទ្រទ្រង់ដោយបច្ចេកវិទ្យា Blockchain។ នេះបើយោងទៅតាម លិខិតមួយបានផ្សព្វផ្សាយចេញដោយនាយកប្រតិបត្តិ YouTube លោក Susan Wojcicki។

ក្នុងលិខិតនោះ លោក Wojcicki បានលើកឡើងថា "យើងតែងតែផ្តោតទៅលើការពង្រីកecosystem ដើម្បីជួយទៅដល់ចំណូលអ្នកបង្កើតមាតិកាផ្សេងៗ ក្នុងនោះក៏រួមមាន NFT ខណៈពេលដែលបន្តពង្រឹង និងលើកកម្ពស់ សម្រាប់អ្នកបង្កើតមាតិកា និងអ្នកគាំទ្រនៅលើ YouTube"។

គួរបញ្ជាក់ថា NFT កំពុងត្រូវបានក្រសែភ្នែករបស់ក្រុមហ៊ុនបច្ចេកវិទ្យាល្បីៗជាច្រើនចាប់អារម្មណ៍ និងឈានទៅកាន់វា តួយ៉ាងដូចជាបណ្ដាញសង្គមដ៏ធំជាងគេ Instagram និង WhatsApp របស់ក្រុមហ៊ុន Meta ដែលកំពុងធ្វើការនៅលើរឿងនេះ៕

ប្រភព៖ HowToGeek   ប្រែ​សម្រួល៖ កុសល