Aubameyang ប្រាប់ពីហេតុផល បោះបង់ប្រាក់ខែខ្ពស់នៅ Arsenal ឲ្យតែបានមក Barcelona

2022-02-22 11:33:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Pierre-Emerick Aubameyang ដែលទើបតែមកកាន់ក្លឹប Barcelona កាលពីខែមករា កន្លងទៅនេះ បានបកស្រាយទៅកាន់សារព័ត៌មាន Mundo Deportivoពីមូលហេតុដែលសុខចិត្តបោះបង់ប្រាក់ពលកម្មជិត ៤៨ម៉ឺនដុល្លារ ក្នុងមួយសប្ដាហ៍នៅក្លឹប Arsenal មកចូលរួមជាមួយក្លឹប Barcelona ដែលទទួលបានប្រាក់ពលកម្មតិចជាង។

Aubameyang បាននិយាយថា៖" តាមពិតទៅខ្ញុំក៏ចង់ទៅ Barca ។ ខ្ញុំសុទ្ធចិត្តបោះបង់ប្រាក់ខែខ្ពស់នៅ Arsenal ឲ្យតែបានមកលេងនៅក្លឹបនេះ ព្រោះតែនេះជាឱកាសដែលយើងមានតែម្ដងប៉ុណ្ណោះក្នុងឆាកជីវិតរបស់យើង "។

តាមទៅពិតរវាង Barca និង Aubameyang ត្រូវបានសារព័ត៌មានជាច្រើនចុះផ្សាយកន្លងមក Barca ចង់បានខ្សែប្រយុទ្ធរូបនេះតាំងពីឆ្នាំ២០២០មក ហើយខ្សែប្រយុទ្ធរូបនេះក៏ចង់ទៅផងដែរ ប៉ុន្តែមិនអាចធ្វើបាន យ៉ាងនៅខែមករា ដោយសារតែបញ្ហាជាមួយក្លឹប Arsenal កីឡាកររូបនេះក៏សម្រេចចិត្តចង់ទៅ Barca ហើយក្លឹបអេស្ប៉ាញមួយរូបនេះក៏យល់ព្រម។

យ៉ាងណាបើតាម Guardian នៅ Barca ចំពោះប្រាក់ខែសរុបរហូតដល់ចប់រដូវកាលនេះ Aubameyang នឹងទទួលបានតិចជាងឆ្ងាយបើប្រៀបធៀបកាលនៅ Arsenal ដោយទទួលបានជិត ៣លានដុល្លារប៉ុណ្ណោះ។ សម្រាប់រដូវកាលក្រោយ ខ្សែប្រយុទ្ធរូបនេះអាចនឹងឡើងប្រាក់ខែជាបន្តបន្ទាប់ បើហិរញ្ញវត្ថុរបស់ក្លឹប Barca មានភាពល្អប្រសើរ៕

ប្រភព៖ Dailymail អត្ថបទ៖ សេរី មង្គល