បញ្ជីឈ្មោះកីឡាករ និងក្រុមគ្រូបង្វឹកកីឡាករបាល់ទះឆ្នេរខ្សាច់ដែលត្រូវទៅស៊ីហ្គេម

2022-04-22 02:54:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមកីឡាករជម្រើសជាតិបាល់ទះឆ្នេរខ្សាច់មានគ្នា៦នាក់ដែលបានប្រមូលផ្ដុំហ្វឹកហាត់កាលពីដើមឆ្នាំ២០២១ ដើម្បីត្រៀមខ្លួនទៅចូលរួមការប្រកួតព្រឹត្តិការណ៍កីឡាស៊ីហ្គេមនៅវៀតណាម ដែលគ្រោងដំណើរការខែឧសភា ខាងមុខនេះ។

ទី១ សាមិត ទី២ តាក់អន្លង់វែង ទី៣ ឌូក និងទី៤ ម៉េងហួង

ក្នុងចំណោមកីឡាករទាំង៦នាក់ក្នុងនោះគេឃើញមាន៤រូបបានជាប់ឈ្មោះទៅលេងនៅស៊ីហ្គេមគឺមាន អ៊ឹម ណារិទ្ធ ហៅតាក់អន្លង់វែងជាអតីតកីឡាកររបស់ក្លឹបស្នងការរាជធានីភ្នំពេញ, ជុក សោភា ហៅក្រៅ ឌូក (ជាកីឡាករមកពីក្លឹបកងពលធំអន្តរាគមន៍លេខ៣) , ធី ម៉េងហួង ហៅកូននាគស្លាបហង្ស មកពីក្លឹបក្រសួងមហាផ្ទៃ និង សំ សាមិត (ជាស្មាត់ស្ដាំមកពីក្លឹបកងពលធំអន្តរាគមន៍លេខ៣) ។

ក្រៅពីកីឡាករទាំង៤នាក់ខាងលើអ្នកដែលនឹងត្រូវរួមដំណើរទៅជាមួយគ្នាម្នាក់ទៀតនោះគឺលោក ស៊ឺម ឃ្លោក ដែលមានតួនាទីជាគ្រូបង្វឹក។ រំលឹកថា ក្នុងចំណោមអ្នកទាំង៤នាក់ដែលជាកីឡាករខាងលើ ត្រូវបានគេដឹងថា ដៃគូដែលត្រូវឡើងទៅប្រកួតតទល់ជាមួយប្រទេសផ្សេងៗតំណាងឲ្យកម្ពុជាក្នុងព្រឹត្តិការណ៍កីឡាស៊ីហ្គេមលើកទី៣១ នៅវៀតណាមខាងលើគឺ ធី ម៉េងហួង ត្រូវចាប់ដៃគូគ្នាជាមួយ ជុក សោភា ហៅឌូក នេះតើតាមកីឡាករ ធី ម៉េងហួង ធ្លាប់បានបង្ហើបប្រាប់៕

អត្ថបទ៖ ស្រី សុវណ្ណដារ៉ា