អ្នកលេងគុនខ្មែរ ប៊ុន សុធា ប្រាប់មូលហេតុមកវ៉ៃគីឡូស្រាលវិញ

2022-06-10 08:27:29
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករ ប៊ុន សុធា ថារូបគេឥលូវមកលេងគីឡូស្រាលវិញពោលគឺ ៥៤-៥៧ ប៉ុណ្ណោះព្រោះបើវ៉ៃដល់ ៦០ ដូចមុនវ៉ៃគេអត់ឈឺទេខណៈដៃគូធំៗពេក។

រូបភាពលើហ្វេសបុក សុធា

ប៊ុន សុធា លើកឡើងក្នុងកិច្ចសម្ភាសមួយថា ការវិលចូលសង្វៀនជាថ្មីនេះគឺរូបគេលេងត្រឹមគីឡូ ៥៤-៥៧ ប៉ុណ្ណោះ ព្រោះបច្ចុប្បន្នទម្ងន់ពិតប្រាកដនៅចន្លោះនេះ។ ដូច្នេះវ៉ៃប្រភេទទម្ងន់នេះគឺសមស្របតែម្ដង។

រូបភាពលើហ្វេសបុក សុធា

ការឡើងទៅវ៉ៃទម្ងន់ ៦០គីឡូក្រាមគឺមានការលំបាកសម្រាប់ខ្លួន ពោលដៃគូធំៗហើយកីឡាករខ្លះអាចឡើងដល់ ៦០ ជាងបន្ទាប់មកគេទម្លាក់ចុះមកទេ។ កាលណាគីឡូតូចដំឡើងទៅគឺពិបាក វ៉ៃដៃគូអត់ឃើញ ពោលពិបាកក្នុងការយកឈ្នះ។

បញ្ជាក់ដែរថា កីឡាករ ប៊ុន សុធា មួយរយៈពេលមុនគឺឡើងលេងរហូតដល់ទម្ងន់ ៦០គីឡូក្រាម។ ប៉ុន្តែការប្រកួតស្អែកនេះរបស់គេនៅ CNC វ៉ៃលើប្រភេទទម្ងន់ ៥៧ ដោយប៉ះកីឡាករថៃ Petchseythong Sor Saknorin វេលាម៉ោង២រសៀលតទៅ៕

អត្ថបទ៖ នួន ស៊ីណា