ឡៅ ចន្ទ្រា៖ ប្រាប់តិចនិកផ្ដួលអ្នកលេងគុនថៃឲ្យសន្លប់យកប្រាក់រង្វាន់ ១លានរៀល

2022-08-29 03:01:29
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់មកពីឆត្រយោង ៩១១ ឡៅ ចន្ទ្រា ថាតិចនិកផ្ដួលកីឡាករថៃ ភិត ប្រាក់ទុំ ម្សិលមិញនេះគឺវ៉ៃលក្ខណៈបន្លប់ លើខ្លះ ក្រោមខ្លះ ឲ្យដៃគូភ្លេច ឬពិបាកក្នុងការទប់ស្កាត់។

ចន្ទ្រា និងកីឡាករថៃ

ចន្ទ្រា បានលើកឡើងក្រោយបញ្ចប់ការប្រកួតថា កីឡាករថៃ ភិត ប្រាក់ទុំ ស្នៀតចាប់របស់គេគឺរឹង ប៉ុន្តែការចាក់ជង្គង់មិនទាន់ជាល្អណាស់ណាទេ។ ចំណុចដែលរូបគេចាប់ក្បាច់ ឬអាចឈានដល់ការផ្ដួលថៃខាងលើនេះគឺការវ៉ៃបែបបន្លប់ មានវ៉ៃលើ មានវ៉ៃក្រោម ធ្វើឲ្យដៃគូភ្លេចក៏ដូចជាពិបាកការពារទើបអាចឈានដល់សន្លប់នេះបាន។

ភិត ប្រាក់ទុំ ពេលឈឺជើង

សិស្សគុនមកពីឆត្រយោង ៩១១ រូបបន្ថែមទៀតថា ការប្រកួតនេះគឺខ្លួនប្រឹងប្រែងអស់ពីសមត្ថភាពមិនមានលាក់លៀមអ្វីទេ។ ចំពោះការហ្វឹកហាត់វិញក៏ត្រៀមខ្លួនបាន២សប្ដាហ៍ផងដែរ។ ចន្ទ្រា បញ្ជាក់អំពីទម្ងន់ផងដែរថា ការវ៉ៃលើគីឡូ ៧៣ នេះរៀងស្ពឹកៗបន្តិចហើយបើគីឡូល្អខ្ទង់ ៦៥-៦៧។

រំលឹកដែរថា កីឡាករ ចន្ទ្រា ម្សិលមិញនេះបានយកឈ្នះកីឡាករថៃ ភិត ប្រាក់ទុំ ដោយសុំបញ្ឈប់ការប្រកួតនៅទឹកទី៤ នៅសង្វៀន PNN ទទួលបានប្រាក់រង្វាន់លើកទឹកចិត្ត ១លានរៀលបន្ថែមពីលើតម្លៃខ្លួន៕

វីដេអូប្រកួត៖