រឿងដ៏គួរឱ្យចាប់អារម្មណ៍ ៧យ៉ាង ក្នុងដំណើរទស្សនកិច្ចរបស់ គីម ជុងអ៊ុន ទៅរុស្ស៊ី

2023-09-15 03:12:20
ចំនួនមតិ 0 | ចំនួនចែករំលែក 0

ចន្លោះមិនឃើញ

មេដឹកនាំកូរ៉េខាងជើង លោក គីម ជុងអ៊ុន បានធ្វើទស្សនកិច្ចនៅរុស្ស៊ី ដោយទៅជួបលោកប្រធានាធិបតីវ្លាឌីមៀ ពូទីន ដើម្បីបង្កើនកិច្ចសហប្រតិបត្តិការរវាងប្រទេសទាំងពីរ។ យ៉ាងណាមិញ ក្នុងដំណើរទស្សនកិច្ចរបស់លោក គីម ជុងអ៊ុន នេះ មានវីដេអូឃ្លីបជាច្រើន ថតជាប់ពីសកម្មភាពដ៏គួរឱ្យចាប់អារម្មណ៍មួយចំនួនរបស់មេដឹកនាំផ្តាច់ការទាំងពីរដូចខាងក្រោមនេះ៖

-លោក គីម ជុងអ៊ុន ជិះរថភ្លើងដែលមានល្បឿនដ៏យឺត ទៅរុស្ស៊ីភាគខាងកើត ដែលវាមានល្បឿនអតិបរមាត្រឹម ៦០គីឡូម៉ែត្រក្នុង១ម៉ោង។

-ពេលលោក គីម ជុងអ៊ុន ចុះពីរថយន្តទៅចាប់ដៃជាមួយលោក ពូទីន អ្នកបកប្រែឱ្យលោក គីម ជុងអ៊ុន ម្នាក់ ហាក់ឆ្លេឆ្លារកកន្លែងឈរបកប្រែឱ្យមិនបាន។

-ក្នុងពេលនោះដែរ មេដឹកនាំទាំងពីរ បានចាប់ដៃគ្នាដល់ទៅ ៤០វិនាទី ដែលជាកំណត់ត្រាថ្មី។ ជួបគ្នាកាលលើកមុន នៅឆ្នាំ២០១៩ មានរយៈពេល ៣៣វិនាទី។

-ភាគីកូរ៉េខាងជើង មកជួយរៀបចំកៅអីឱ្យត្រូវហ្នឹងមាឌរបស់លោក គីម ជុងអ៊ុន។

-លោក ពូទីន អញ្ជើញលោក គីម ជុងអ៊ុន ឱ្យមកជិះរថយន្តជាមួយគ្នាតែម្តង។

-លោកស្រី គីម យូជុង ប្អូនស្រីលោក គីម ជុងអ៊ុន ដែលជាអ្នកមានឥទ្ធិពលដ៏ខ្លាំងមួយរូបផងដែរ នៅកូរ៉េខាងជើង បានមើលការសរសេររបស់បងប្រុសខ្លួនមិនដាក់ភ្នែក ក្នុងពេលទៅទស្សនកិច្ចនៅមជ្ឈមណ្ឌលអវកាសរុស្ស៊ីមួយកន្លែង។