សង្វៀនប្រដាល់ TV5 បានវិលមកបម្រើអារម្មណ៍ប្រិយមិត្តប្រដាល់វិញហើយថ្ងៃអាទិត្យសប្ដាហ៍នេះ

2023-09-29 05:29:30
ចំនួនមតិ 0 | ចំនួនចែករំលែក 0

ចន្លោះមិនឃើញ

សង្វៀនប្រដាល់គុនខ្មែរ TV5 បានវិលមកបម្រើអារម្មណ៍ប្រិយមិត្តវិញហើយនៅថ្ងៃអាទិត្យ ទី១ ខែតុលា ឆ្នាំ២០២៣ ខណៈអ្នកនៅតំបន់ព្រែកកំពិសអាចចូលទស្សនាដោយសេរីចាប់ពីម៉ោង ៦ល្ងាចតទៅ។

លោក ហួង តារាមុនី

លោក ហួង តារាមុនី អគ្គនាយកស្ថានីយប៉ុស្តិ៍លេខ៥ បានឲ្យដឹងថា TV5 តែងតែគិតគូរ និងចូលរួមលើកស្ទួយវិស័យកីឡានៅកម្ពុជា ពិសេសនោះគឺកីឡាប្រដាល់គុនខ្មែរដែលជាកេរ្តិ៍មរតកដូនតាខ្មែរនេះតែម្ដង។ ក្រោមការសហការពីក្រសួងអប់រំ និងគណៈកម្មាធិការជាតិអូឡាំពិកកម្ពុជា ជាមួយខាងស្ថានីយរបស់លោកកន្លងមកតែងតែបង្កើតឲ្យមានជាព្រឹត្តិការណ៍ប្រដាល់ពិសេសៗជាច្រើនក្នុងការបម្រើអារម្មណ៍ប្រិយមិត្តអ្នកគាំទ្រទស្សនាកម្សាន្តនៅចុងសប្ដាហ៍។

ទិដ្ឋភាពសន្និសីទព្រឹកមិញ

អគ្គនាយកស្ថានីយខាងលើបន្ថែមទៀតថា ឥលូវសប្ដាហ៍នេះស្ថានីយបានបង្កើតឲ្យមានជាការប្រកួតវិញហើយនៅរៀងរាល់ល្ងាចថ្ងៃអាទិត្យ។ លោកសន្យាដែរថានឹងនាំយកនូវកីឡាករល្អៗ និងបង្កើតឲ្យមានជាការប្រកួតលក្ខណៈអន្តរជាតិពិសេសប្លែកៗដើម្បីប្រិយមិត្តបានទស្សនាសប្បាយរីករាយ។ ដូច្នេះមហាជនអាចមកចូលរួមគាំទ្រទស្សនាដោយផ្ទាល់នៅសង្វៀន TV5 ព្រែកកំពិសដោយសារី។

សមាសភាពប្រកួតសប្ដាហ៍នេះ

បញ្ជាក់ដែរថា សង្វៀនប្រដាល់ TV5 បានផ្អាកការប្រកួតរបស់ខ្លួនមួយរយៈធំមកហើយទើបតែបើកប្រកួតវិញនេះទេនៅថ្ងៃអាទិត្យ ទី១ ខែតុលា ឆ្នាំ២០២៣។ សម្រាប់សមាសភាពសប្ដាហ៍ទី១ នេះ រួមមានកីឡាករ រិន សារ័ត្ន អេលីត សម្ផស្ស វ៉ាន់ វឿន និងកីឡាករថៃ ជាច្រើននាក់ផងដែរ។ ការប្រកួតនេះនឹងចាប់ផ្ដើមពីម៉ោង ៦ល្ងាចតទៅ៕

អត្ថបទ៖ នួន ស៊ីណា