កីឡាករ សុខ រិទ្ធ សម្រាកខ្ទង់ ៦ខែទើបអាចវិលចូលសង្វៀនវិញបាន

2024-02-23 09:23:33
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ទម្ងន់ស្រាល សុខ រិទ្ធ ត្រូវសម្រាកព្យាបាលខ្ទង់ ៦ខែទើបអាចវិលមកចូលសង្វៀនប្រដាល់គុនខ្មែរវិញបាននេះបើតាមភរិយារបស់គេបានបញ្ជាក់។

រូបភាពហ្វេសបុក Town Sport

នៅ ស្រីពៅ ដែលជាភរិយារបស់កីឡាករ សុខ រិទ្ធ បានឲ្យដឹងថា ដោយសារបាក់ច្រើនកន្លែងទើបតម្រូវឲ្យសម្រាកព្យាបាលយូររហូតឈានដល់ទៅ ៦ខែទើបអាចចូលប្រកួតវិញបាន។ មុនដំបូងគឺឃើញរបួសបាក់តែឆ្អឹងម្រាមដៃចង្អុលនោះទេ ប៉ុន្តែក្រោយមកទៀតទើបឃើញថាកដៃនោះក៏បាក់ត្រូវដាក់ដែកដែរ។

រូបភាពហ្វេសបុក Town Sport

ភរិយាម្ចាស់មេដាយមាសស៊ីហ្គេម លើកទី៣២ នៅកម្ពុជាខាងលើនេះបន្ថែមទៀតថា ចំពោះជីវភាពក៏មានការបារម្ភខ្លះៗដែរ ព្រោះជំហរធំក្នុងការរកចំណូល សុខ រិទ្ធ ប៉ុន្តែឥលូវនេះឈឺហើយត្រូវសម្រាកយូរទៀត។ ស្រីពៅ បន្ថែមទៀតថា បើមានតែ២នាក់ប្ដីប្រពន្ធគឺមិនសូវចោទជាបញ្ហាទេ តែនេះត្រូវទំនុកបម្រុងគ្រួសារ ដូច្នេះមានការពិបាកចិត្តអំពីបញ្ហានេះដែរ។

រូបភាពលើហ្វេសបុក សុខ រិទ្ធ

រំលឹកដែរថា កីឡាករ សុខ រិទ្ធ មានរបួសបាក់ម្រាដៃចង្អុល និងកដៃឆ្វេង បន្ទាប់ពីប្រកួតមិត្តភាពជាមួយអ្នកលេងគុនថៃ ខាចនដេញ ផលឡុម កាលពីថ្ងៃទី១៨ ខែកុម្ភៈ ឆ្នាំ២០២៤ នៅសង្វៀន Town៕

អត្ថបទ៖ នួន ស៊ីណា