លេខធំបន្តិចហើយ! សង្វៀន BTV ដាក់ខ្សែក្រវាត់ ISKA ពិភពលោក ៣គ្រឿងឲ្យកីឡាករតំណាងកម្ពុជាប្រកួតដណ្ដើម

2024-04-05 03:40:38
ចំនួនមតិ 0 | ចំនួនចែករំលែក 0

ចន្លោះមិនឃើញ

កាន់តែធំ និងអស្ចារ្យសង្វៀនប្រដាល់ BTV បានធ្វើសន្និសីទសារព័ត៌មានប្រកាសរៀបចំការប្រកួតដណ្ដើមខ្សែក្រវាត់ ISKA ពិភពលោកចំនួន ៣គ្រឿងដោយមានកីឡាករ ប៊ុន សុធា សែន ចន្ទរិទ្ធីគុន និង អាលៀ អាសហ្គា ប្រកួតតំណាងឲ្យកម្ពុជា។

កីឡាករ ប៊ុន សុធា

លោក គង់ វិសាល តំណាងស្ថានីយទូរទស្សន៍បាយ័ន និង BTV បានឲ្យដឹងថា នេះជាប្រវត្តិសាស្ត្រថ្មីមួយសម្រាប់គុនខ្មែរ ព្រោះស្អែកនេះជាការប្រកួតដណ្ដើមខ្សែក្រវាត់កម្រិតពិភពលោក ISKA។

កីឡាករ អាលៀ អាសហ្គា

អ្នករៀបចំកម្មវិធីខាងលើនេះបន្ថែមទៀតថា ស្ថាប័ន ISKA ដែលមានមូលដ្ឋាននៅសហរដ្ឋអាមេរិក និងមានសមាជិកជាង ៥០ប្រទេសនេះឥលូវមានវត្តមានពិសេសការខ្សែក្រវាត់នៅកម្ពុជាហើយ។ លោកជឿជាក់ថាការប្រកួតស្អែកនេះនឹងធ្វើឲ្យគុនខ្មែរបានផ្សព្វផ្សាយទៅកាន់ពិភពលោក និងអន្តរជាតិកាន់តែស្គាល់ក្បាច់គុនចំណាស់ដ៏យូរលង់មួយនេះ។

សែន ចន្ទរិទ្ធីគុន

បញ្ជាក់ដែរថា ការប្រកួត Ganzberg Idol Kun Khmer ជំនួបកំពូលអ្នកប្រយុទ្ធគុនខ្មែរអន្តរជាតិរបស់សង្វៀន BTV នេះនឹងធ្វើឡើងនៅថ្ងៃទី៧ ខែមេសា ឆ្នាំ២០២៤ ចាប់ពីម៉ោង ៨យប់តទៅនៅក្នុងខណ្ឌកំបូល រាជធានីភ្នំពេញ។ សម្រាប់សមាសភាពដណ្ដើមខ្សែក្រវាត់រួមមាន ប៊ុន សុធាន ប៉ះ អ៊ូម៉ា រេដ វូហ្វ អាលៀ អាសហ្គា ប៉ះ ផនសាវ៉ាន ជេអ័រ និង សែន ចន្ទរិទ្ធីគុន ប៉ះ ស៊ីណា ឆាលា។ ក្រៅពីនេះក៏មានគូមិត្តភាពអន្តរជាតិដូចជា ទូច ដេវីដ នី វីរ៉ាផា សាន់ គុនខ្មែរ ផងដែរ៕