Thiago Silva នឹងចាកចេញពី Chelsea ក្រោយចប់រដូវកាលនេះ
- 2024-04-30 11:42:23
- ចំនួនមតិ 0 | ចំនួនចែករំលែក 0
Thiago Silva នឹងចាកចេញពី Chelsea ក្រោយចប់រដូវកាលនេះ
ចន្លោះមិនឃើញ
ខ្សែការពារ Thiago Silva នឹងចាកចេញពីក្លឹប Chelsea ក្រោយចប់រដូវកាលឆ្នាំ២០២៣/២៤។ នេះបើតាមការលើកឡើងផ្ទាល់របស់កីឡាករនេះទៅកាន់អ្នកកាសែតកាលពីម្សិលមិញ។
កីឡាកររូបនេះបានផ្លាស់មកកាន់ Chelsea នៅក្នុងរដូវកាលឆ្នាំ២០២០/២១មកដោយចូលលេងបាន ១៥១ប្រកួត និងស៊ុតចូល ៩គ្រាប់។
នៅក្នុងពេលប្រកាសចាកចេញនេះ Silva ក៏បាននិយាយផងដែរថា៖" វាពិតជាពិបាកនឹងនិយាយថាលាគ្នាណាស់នៅពេលដែលយើងសម្រេចចិត្តចាកចេញតែឯង តែនេះភាគីទាំងសងលាសម្រេចលាគ្នាទាំងពេញចិត្តគ្នាបែបនេះគឺពិបាកខ្លាំងណាស់។ ខ្ញុំធ្លាប់លេងឲ្យក្លឹបនេះ ខ្ញុំនៅតែជាមនុស្សក្លឹបនេះ ខ្ញុំស្រលាញ់នៅទីនេះណាស់ "។
កីឡាកររូបនេះបានក៏បានលើកឡើងក្នុងពេលសម្រេចចិត្តថានឹងចែកផ្លូវគ្នាជាមួយក្លឹបនេះដោយថា គេមានបំណងមកកាន់ក្លឹបនេះវិញនៅថ្ងៃណាមួយ។
គួរបញ្ជាក់ផងដែរថា Chelsea ធ្លាប់ជាក្លឹបឈានមុខនៅ Premier League ប៉ុន្តែក្រោយមានការផ្លាស់ប្ដូរម្ចាស់ក្លឹបកាលពីឆ្នាំ២០២២ដោយសារតែសង្គ្រាមរុស្ស៊ីនៅអ៊ុយក្រែនបានធ្វើឲ្យការដឹកនាំមានការផ្លាស់ប្ដូរចក្ខុវិស័យ និងបាក់ស្មារតីក្នុងក្លឹបធ្វើឲ្យក្លឹបនេះចាប់ផ្ដើមខ្សោយពីពេលនោះមក៕