ឌឺចុះ ឌឺឡើង! បឺត សង្ឃឹម ប៉ះ ពេជ្រ ប៊ុនសិទ្ធ បានសម្រេចហើយដើមខែកញ្ញា

2024-08-29 06:51:33
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីមានការឌឺដង និងការចាប់គូរបស់មហាជនលើបណ្ដាញសង្គមរវាងកំពូលកីឡាករក្បាច់ បឺត សង្ឃឹម និងអ្នកលេងគុនខ្មែរមិនចេះថយ ពេជ្រ ប៊ុនសិទ្ធ ឥលូវបានក្លាយជាការពិតហើយដោយពួកគេត្រូវប៉ះគ្នាជាផ្លូវការនៅសង្វៀនបាយ័នដើមខែក្រោយនេះ។

រូបភាពហ្វេសបុក Hanuman

មុនឈានដល់ការប៉ះគ្នានេះមហាជនពិសេសអ្នកតាមដានប្រដាល់គុនខ្មែរបានដឹងហើយរវាង បឺត សង្ឃឹម និង ពេជ្រ ប៊ុនសិទ្ធ គឺមានការឆ្លើយឆ្លងដាក់គ្នានៅលើបណ្ដាញសង្គមហ្វេសបុកជាច្រើនផងដែរ។ ដោយម្នាក់ៗមិនខ្លាចញញើតគ្នានោះឡើយគឺរង់ចាំតែពេលវេលាសមស្របណាមួយសាកក្បាច់គុនគ្នាតែម្ដង។ យ៉ាងណាពេលវេលាដែលសមស្របនោះគឺមកដល់ហើយរវាងកំពូលអ្នកលេងក្បាច់ បឺត សង្ឃឹម និងជើងខ្លាំងមិនចេះថយ ពេជ្រ ប៊ុនសិទ្ធ នឹងត្រូវប្រកួតដណ្ដើមខ្សែក្រវាត់អបដោយប្រាក់រង្វាន់ធំនៅសង្វៀនបាយ័ន ថ្ងៃទី៥ ខែកញ្ញា ឆ្នាំ២០២៤ ចាប់ពីម៉ោង ៨យប់តទៅ៕

អត្ថបទ៖ នួន ស៊ីណា