ថ្ងៃអាទិត្យ ទី 23 ខែ ធ្នូ ឆ្នាំ 2024, ទីក្រុងនរា, ភ្នំពេញ – ក្នុងឱកាសទីផ្សាររដូវបុណ្យណូអែល ដែលបានរៀបចំនៅ ទីក្រុងនរា នៅថ្ងៃទី 21 និង 22 ធ្នូ, អូអេស៊ីសបៃតងបានសហការជាមួយក្រុមហ៊ុនអូស៊ីអាយស៊ី ទីក្រុងនរា និងសណ្ឋាគារតារា ដើម្បីរៀបចំសកម្មភាពដាំដើមឈើដើម្បីសហគមន៍ដោយឥតគិតថ្លៃ។

ក្រោមពាក្យស្លោក "ដាំដើមឈើសម្រាប់បុណ្យណូអែល" គម្រោងនេះបានលើកទឹកចិត្តដល់បងប្អូនប្រជាជន ជនបរទេសដែលស្នាក់នៅកម្ពុជា និងភ្ញៀវទេសចរឱ្យមកចូលរួមដាំដើមឈើនៅរដូវបុណ្យណូអែលក៏ដូចជាជម្រុញឱ្យមានទស្សនៈធ្វើយ៉ាងណាឱ្យទីក្រុងមានភាពបៃតងកាន់តែច្រើនជាងមុន។

តាមរយៈការដាំដើមឈើប្រភេទ Cassia fistula, Samanea Saman, និង ដើមផ្កាចំប៉ីនៅបរិវេណពិកនិច អ្នកចូលរួមដាំដើមឈើនឹងបង្កើតម្លប់ត្រជាក់ ដែលនឹងញ៉ាំងឱ្យបរិយាកាសកាន់តែមានភាពសោមនស្ស។ សកម្មភាពនេះគឺជាផ្នែកធំមួយនៃគំនិតផ្តួចផ្តើមអូអេស៊ីសបៃតងដែលបានរៀបចំសកម្មភាពប្រហាក់ប្រហែលនេះចំនួន 2 លើករួចមកហើយនៅទីក្រុងកោះពេជ្រក្នុងឆ្នាំ 2024 ហើយនឹងបន្តការងាររបស់ខ្លួននៅក្នុងគម្រោងដទៃទៀតនៃក្រុមហ៊ុនអូស៊ីអាយស៊ី។

បន្ទាប់ពីការចូលរួមដាំដើមឈើ អ្នកចូលរួមបានរីករាយជាមួយនឹងផ្សារណូអែលដែលមានសកម្មភាពផ្សេងៗជាច្រើនផងដែររួមមាន ការប្រគុំតន្រ្តីអាឃូស្ទិកផ្ទាល់ការច្នៃប្រឌិត និងហត្ថកម្ម ការទស្សនាភាពយន្តលើវាលស្មៅ អមទៅដោយម្ហូបអាហារប្លែកៗឆ្ងាញ់ៗដែលបានផ្តល់នូវបទពិសោធន៍សម្រាប់បុណ្យណូអែលដែលមិនអាចបំភ្លេចបាន។ ក្មេងៗក៏បានរីករាយជាមួយដំបូលស្វ៊ែរដ៏ធំដែលពោរពេញដោយព្រិលសិប្បនិម្មិត។

ទីក្រុងនរា កំពុងរីកចម្រើនទៅជាសហគមន៍ដ៏សកម្មដែលរួមបញ្ចូលលំនៅដ្ឋានបៃតងជាមួយការងារច្នៃប្រឌិតសម័យទំនើប។ ការប្តេជ្ញារបស់ទីក្រុងនរា ត្រូវបានបង្ហាញឱ្យឃើញតាមរយៈការសកម្មភាពនគរូបនីយកម្មដូចជា ផ្លូវដើរតាមមាត់ទន្លេ, សួនកម្សាន្ត, សួនកុមារ, និង Coconut Park Norea ដែលនឹងមកដល់ក្នុងពេលឆាប់ៗនេះ។

នៅចុងសប្ដាហ៍នេះ ក៏បានសម្ភោធផ្លូវការនូវ Riverlight ទីក្រុងនរា ជាទីតាំងម្ហូបអាហារនិងកម្សាន្តសម័យទំនើបដែលផ្តល់ជូននូវទេសភាពដ៏ស្រស់ស្អាតនៃដងទន្លេ។ ទីនោះមានភោជនីយដ្ឋានដែលពេញនិយមដូចជា Kai Zaab, Hokke Yakiniku, Phai Saan Noodles, TOTO Soup, Tulip D, Kono, និង Riverlight Bar។ តំបន់ថ្មីនេះមានសារៈសំខាន់ក្នុងការបង្ហាញចក្ខុវិស័យរបស់ទីក្រុងនរា ក្នុងការផ្តល់លំនៅដ្ឋានបែបសម័យទំនើបនិងល្អឥតខ្ចោះដល់អតិថិជនរបស់ខ្លួន។

គម្រោង "ដាំដើមឈើសម្រាប់បុណ្យណូអែល" និងផ្សារណូអែលនៅទីក្រុងនរា បានទាក់ទាញការចូលរួមយ៉ាងច្រើនកុះករដែលបង្ហាញពីភាពរឹងមាំនៃសហគមន៍របស់យើង។ សូមចូលរួមជាមួយអូអេស៊ីសបៃតងសម្រាប់សកម្មភាពដាំដើមឈើលើកក្រោយ ដោយបានការគាំទ្រពីក្រុមហ៊ុនអូស៊ីអាយស៊ី ដើម្បីរួមចំណែកបង្កើតតំបន់បៃតងសម្រាប់ការរស់នៅឱ្យកាន់តែមានភាពប្រសើរ។