ការ​ប្រកួត​ដែល​បាន​បញ្ចប់​ទៅ​ក្នុង​លទ្ធផល​​សឹង​មិន​គួរ​ឲ្យ​ជឿ​​ គឺ​ក្រុម​បាល់ទាត់​ Real Madrid បាន​ប្រកួត​ចាញ់​ក្រុម​បាល់ទាត់​ Valencia ក្នុង​ទឹក​ដី​របស់​ខ្លួនឯង​២-១ ​ក្នុង​ក្របខណ្ឌ La Liga ហើយ​ក្នុង​កា​រប្រកួត​នោះ​គេ​ដឹង​ថា Vinicius Jr ​បាន​ធ្វើ​ឲ្យ​ខក​ខាន​​នូវ​បាល់​ប៉េណាល់ទី​១​លើក​​កាល​តង់ទី​១​។

នៅ​នាទីទី​១៣ ម្ចាស់​ផ្ទះ Real Madrid បាន​ទទួល​ឱកាស​ប៉េណាល់ទី​១​លើក​ ដោយ​ពេលនោះ​គឺ​ Vinicius Jr ជា​អ្នក​ទទួល​រ៉ាប់រង​ការ​ទាត់​ប៉េណាល់ទី​នេះ​ ក្នុង​ពេល​នោះ​អ្នក​ចាំ​ទី​របស់ ក្រុម​ភ្ញៀវ Giorgi Mamardashvili ​បាន​​ឃើញ​ Vinicius Jr ជា​អ្នក​រ៉ាប់រង​​ក្នុង​ការ​ស៊ុត​នេះ​។ ក្រោយ​​មក​ Giorgi Mamardashvili ​​បាន​​សួរ​ទៅ​កាន់ Vinicius Jr តើ​ហ៊ាន​ភ្នាល់​ដាក់ ៥០​អឺរ៉ូ​ទេ សម្រាប់​ការ​ស៊ុត​ប៉េណាល់ទី​នេះ​។​ ពេលនោះ Vinicius Jr មិន​បាន​ឆ្លើយ​តប​ទេ។

​មែនទែន​ទៅ​វា​មិន​មានអ្វី​ច្រើន​ទេ​ សម្រាប់​លំដាប់​កីឡាករ​​កម្រិត​ពិភព​លោក​ត្រឹម​៥០​អឺរ៉ូ ប៉ុន្តែ​វា​ក៏​ស្ថិត​ក្នុង​ភាព​ជា​ល្បែង​ស៊ីសង​មួយ​ដែល​ក្លិប​បាន​ហាម​ឃាត់។ តែ​ទោះ​បី​យ៉ាង​ណា​វា​​ក៏​ត្រូវ​បាន​គេ​ចាត់​​ទុក​ថា វា​គ្រាន់​តែ​ជា​ការ​រំខាន​ផ្លូវ​ចិត្ត​មួយ​សម្រាប់ Vinicius Jr ​ក្នុង​ការ​ស៊ុត​ប៉េណាល់ទី​ ហើយ​ជា​លទ្ធផល​គឺ​ Vinicius Jr ពិត​ជា​ធ្វើ​មិន​បាន​ពិត​មែន​ ដែល​​មានន័យ​ថា ការ​ស៊ុត​ប៉េណាល់ទី​នោះ​គឺ​ស៊ុត​មិន​ចូល​សំណាញ់​ទី​​​នោះ​ទេ​៕