Spectre x360 ស្ដើងអាចបត់ប្រើប្រានទាំង Laptop និង Tablet

2015-03-04 15:25:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះក្រុមហ៊ុន HP បានបង្ហាញនូវ Laptop កូនកាត់ Tablet មានឈ្មោះថា Spectre x360 មានរូបរាងស្អាតស្ដើង ដំណើរការដោយប្រព័ន្ធដំណើរ Windows 8.1 មានរាងស្រដៀងទៅនឹង Yoga 2 Pro របស់ក្រុមហ៊ុន Lenovo ដែរ។

Spectre x360 ត្រូវបានរចនាឡើងដោយមានគែមស្រោបដោយអាលុយមីញ៉ូមរលោងមានអេក្រង់ ទំហំ ១៣,៣អ៊ីញ ប្រភេទ Touchscreen ភ្ជាប់មកជាមួយ Resolutions ពីរប្រភេទគឺ៖ Full HD(1,920 x 1,080) និង Quad HD (2,560 x 1,440)។ នៅលើផ្ទៃ Keyboard ដែលមានពន្លឺងាយស្រួលក្នុងការវាយអត្ថបទ។

ចំណែកឯទំហំវិញគឺ ១២,៧៩ x ៨,៦ x ០,៦អ៊ីញ និងមានទម្ងន់ត្រឹមតែ១,៤៧គីឡូក្រាមប៉ុណ្ណោះ។ បន្ថែមទៅទៀតនោះវាមានរន្ធភ្ជាប់ជាច្រើនដូចជារន្ធUSB 3.0 បី, SD card , HDMI, និង MiniDisplay 1.2 ។ ចំពោះថាមពលថ្មវិញមានកម្រិត 3 Cell 56 Whr អាចប្រើធម្មតាបានដល់ទៅ ១២ ម៉ោងកន្លះ។

មិនត្រឹមតែប៉ុណ្ណោះ Spectre x360 អាចប្រើបានជា Laptop ក៏បាន ឬ Tablet ក៏បាន ហើយវាផ្ដល់ភាពងាយស្រួលក្នុងបត់បានជាប្រភេទ Tent mode (បត់បាន ៣៦០ ដឺក្រេ) និង Stand Mode (ផ្កាប់ Keyboard ដាក់បញ្ឈរជា Tablet) ។

Spectre x360 នឹងចាប់ផ្ដើមលក់ចាប់ពីថ្ងៃអាទិត្យនេះតទៅនៅលើគេហទំព័ររបស់ក្រុមហ៊ុន HP (HP.com ) និងតម្លៃមានទៅតាមប្រភេទដូចខាងក្រោម៖

Intel Core i5 processor, 128GB SSD, 4GB RAM, full HD display (តម្លៃ ៨៩៩,៩៩ ដុល្លារ) Intel Core i5 processor, 256GB SSD, 8GB RAM, full HD display (តម្លៃ ៩៩៩,៩៩ ដុល្លារ) Intel Core i7 processor, 256GB SSD, 8GB RAM, full HD display (តម្លៃ ១ ១៤៩,៩៩ ដុល្លារ) Intel Core i7 processor, 512GB SSD, 8GB RAM, Quad HD display (តម្លៃ ១ ៣៩៩,៩៩ ដុល្លារ)៕