សើចជាមួយ សុវណ្ណ មករា ពេលនិយាយរឿងយកកូន

2015-10-23 17:00:48
ចំនួនមតិ 0 | ចំនួនចែករំលែក 0

ចន្លោះមិនឃើញ

សុវណ្ណ មករា កំពុងដំណើរការរៀបមង្គលការជាមួយ ឈិន ច័ន្ទសុធារី នៅឡើយនាព្រឹកនេះ។ ប៉ុន្តែរសៀលម្សិលមិញ ជាវេលាចាប់ផ្ដើមពិធីចូលរោងជ័យ អតីតតារាសម្ដែងរូបនេះ បានប្រាប់ថា លោកចង់បានបុត្រខ្លាំង ដូច្នេះហើយមិនបង្អង់ទេរឿងយកបុត្រនេះ។

នៅចំពោះមុខសាច់ញាតិ ព្រះសង្ឃ និងតាអាចារ្យជាដើមនៅក្នុងវេលាប្រារព្ធពិធីចូលរោង អតីតតារាសម្ដែងរូបនេះ អធិប្បាយខ្លីថា “យក...យកភ្លាមហ្មង...អត់មានចាំទេ អីក៏យកដែរ ស្រីក៏បាន ប្រុសក៏បាន ឲ្យតែកូន...(សើច)"។

សុវណ្ណ មករា គឺបានក្លាយជាបុរសពោះម៉ាយ ក្រោយលែងលះជាមួយភរិយាជាអាណិកជនខ្មែរ ដែលបានរួមរស់ជាមួយគ្នាប្រមាណ៧ឆ្នាំនៅសហរដ្ឋអាមេរិក។ ឯ ឈិន ច័ន្ទសុធារី ក៏បានបែកបាក់ចំណងស្នេហ៍ជាមួយបុរសម្នាក់ដែលគេដឹងថា ជាអ្នករស់នៅក្នុងគ្រួសារខ្ពង់ខ្ពស់មួយ។ ផ្ដើមពីភាពជាគូស្នេហ៍ ពួកគេបែកគ្នាទៅមានថ្មីរាងខ្លួន មុនពេលចែកផ្លូវជាមួយស្នេហ៍ថ្មីវិញដូចគ្នា ហើយវិលមកជួបគ្នាវិញ ប្រមាណជា ២ឆ្នាំមុន។

សុធារី វ័យ ៣១ឆ្នាំ និង មករា វ័យ៣៧ឆ្នាំ ក៏ចាប់ផ្ដើមពន្លកស្នេហ៍ជាថ្មី រហូតយល់ចិត្ត និងរៀបការក្លាយជាគូស្វាមីភរិយាពេញច្បាប់នឹងគ្នា ត្រឹមថ្ងៃម្សិលមិញ។ ពួកគេ នឹងរៀបចំធ្វើពិធីទទួលភោជនីយអាហារភ្ញៀវកិត្តិយសម្ដងទៀតនៅថ្ងៃទី ២៩ តុលា ២០១៥នេះ ហៅថា ពិធីកាត់ចំណងដៃ ធ្វើនៅសណ្ឋាគារ កាំបូឌីយ៉ាណា។

ទិដ្ឋភាពទូទៅពិធីមង្គលការ ឈិន ច័ន្ទសុធារី និង សុវណ្ណ មករា ថ្ងៃនេះ

បទសម្ភាសន៍ផ្ដាច់មុខ! ឈិន ច័ន្ទសុធារី អួលដើមកក្នុងថ្ងៃរៀបការ

តាម ឈិន ច័ន្ទសុធារី ប្រាប់ថា ពិធីរបស់នាង មិនធ្វើធំដុំទេ ក្នុងនោះភ្ញៀវកិត្តិយសដែលជាមិត្តភ័ក្ដិទាំងសងខាង ទាំងក្នុង និងក្រៅសិល្បៈ រួមជាមួយមន្ត្រីធំ អ្នកមុខអ្នកការ តែប្រមាណជា ៣០០នាក់ ស្មើនឹង ជាង២០តុទៅ ៣០ តុ ប៉ុណ្ណោះ។ ធារី បញ្ជាក់ថា ម្សិលមិញនេះ ពិធីទទួលភោជនីយអាហារថ្ងៃមង្គលរបស់នាង ក៏អញ្ជើញភ្ញៀវកិត្តិយសដែលភាគច្រើនបំផុតជាសាច់ញាតិទាំងសងខាង ចំនួនប្រមាណ ៣០ តុដែរ៕