ជនជាតិឥណ្ឌាកាន់តែច្រើន ឡើងកាន់កាប់ក្រុមហ៊ុនបច្ចេកវិទ្យាធំៗនៅអាមេរិក

2016-07-01 18:59:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសឥណ្ឌាត្រូវគេទទួលស្គាល់ជាបណ្ដុំនៃអ្នកជំនាញ IT ហើយធនធានមនុស្សចំណានៗប្រទេសនេះបានទៅគ្រប់គ្រងបណ្តាក្រុមហ៊ុនបច្ចេកវិទ្យាធំៗជុំវិញពិភពលោក។ សូម្បីនៅទឹកដីអាមេរិកក៏មានជនជាតិឥណ្ឌាជាច្រើន បានឡើងទៅកាន់កាប់ការងារជាអ្នកគ្រប់គ្រងជាន់ខ្ពស់។

លោក Sundar Pichai នាយកប្រតិបត្តិ Google

មានដើមកំណើតក្នុងប្រទេសឥណ្ឌា លោក Sundar Pichai ចាប់ផ្ដើមធ្វើជាបុគ្គលិកផ្នែកស្រាវជ្រាវឲ្យក្រុមហ៊ុន Google ក្នុងឆ្នាំ ២០០៤ រហូតបានក្លាយជា CEO របស់ Google ក្នុងឆ្នាំ ២០១៥។ សព្វថ្ងៃលោកមានទ្រព្យសម្បត្តិជាង ៦៥០ លានដុល្លារ ។

លោក Satya Nadella នាយកប្រតិបត្តិ Microsoft

កើតក្នុងប្រទេសឥណ្ឌា រួចមករស់នៅសហរដ្ឋអាមេរិកក្នុងឆ្នាំ ១៩៩២ លោក Satya Nadella បានចូលបម្រើការងារជាបុគ្គលិកជាន់ខ្ពស់នៅក្រុមហ៊ុន Sun Microsystems ជាក្រុមហ៊ុនផលិតកម្មវិធីលក់ឲ្យ Microsoft ។ ដល់ឆ្នាំ ២០០៧ លោកចូលធ្វើការក្នុងក្រុមហ៊ុន Microsoft មានតួនាទីជា senior vice-president ដោយកាន់កាប់ការងារផ្នែកស្រាវជ្រាវ និងអភិវឌ្ឍផលិតផល និងមុខជំនួញ ។ ក្នុងឆ្នាំ២០១១ ក៏ឡើងតួនាទីជានាយកគ្របគ្រងផ្នែកម៉ាស៊ីនមេ ( Server ) និង Tool ហើយឆ្នាំ២០១៤ ទទួលបានតំណែងជានាយកប្រតិបត្តិ។

លោក Shantanu Narayen នាយកប្រតិបត្តិ Adobe System’s

ជាអតីតនាយកផ្នែកផលិត Desktop របស់ Apple និងជាសហស្ថាបនិកនៃក្រុមហ៊ុនផ្គត់ផ្គង់សេវាចែកចាយរូបភាពតាមអ៊ីនធឺណិត Pictra Inc លោក Shantanu Narayen បានផ្ដើមការងារជាមួយក្រុមហ៊ុន Adobe ក្នុងឆ្នាំ ១៩៩៨ ក្នុងតួនាទីជា senior Vice-President ដោយទទួលបន្ទុកផ្នែកស្រាវជ្រាវ។ ក្នុងឆ្នាំ ២០០៥ លោកក៏ឡើងតំណែងជានាយកប្រតិបត្តិរបស់ក្រុមហ៊ុន Adobe ។

ក្រៅពីតួនាទីជា CEO របស់ Adobe លោក Shantanu Narayen ក៏ជាសមាជិកនៃក្រុមប្រឹក្សាភិបាលរបស់ Dell Inc. និងសកលវិទ្យាល័យ University of California at Berkeley ។

លោក Francisco D’souza នាយកប្រតិបត្តិ Cognizant

លោក Francisco D’souza ឬ Frank ត្រូវបានគេជ្រើសតាំងជានាយកប្រតិបត្តិរបស់ Cognizant ក្នុងឆ្នាំ ២០០៧ ។ ចាប់ផ្ដើមការងារជាបុគ្គលិកផ្នែក ទីផ្សារ និងអភិវឌ្ឍមុខជំនួញរបស់ Cognizant ដែលជាក្រុមហ៊ុនផ្ដល់សេវាប្រឹក្សាយោបល់ផ្នែកអាជីវកម្មបច្ចេកវិទ្យា។ លោកបានឡើងតួនាទីពីមួយកម្រិតទៅមួយកម្រិតស្ទើរតែ ២ ឆ្នាំម្ដង។