របាយការណ៍​ចេញ​ដោយ​ ​Google​ ​បង្ហាញ​ថា ស្មាតហ្វូន​ដែល​ប្រើ​ប្រព័ន្ធ​ប្រតិបត្តិការ​ ​Android​ ​Nougat​ ​គឺ​មាន​តែ​ ​១​ ​%​ ​ក្នុង​ចំណោម​អ្នក​ប្រើ​ ​Android​ ​សរុប។

ក្នុង​នោះ​ ​Marshmallow​ ​ត្រូវ​គេ​រក​ឃើញ​ថា​មាន​អ្នក​ប្រើ​ច្រើន​ជាង​គេ​គឺ​ដល់​ទៅ​ ​៣០​ ​%​ ​នៃ​ចំនួន​អ្នក​ប្រើ​ ​Android​ ​ជុំវិញ​ពិភពលោក​ ​ដោយ​គិត​ត្រឹម​សប្ដាហ៍​ទី​មួយ​ឆ្នាំ​ ​២០១៧។

របាយការណ៍​ដដែល​បន្ត​ថា​ ភាគរយ​តិច​សម្រាប់​ ​Nougat​ ​គឺ​មក​ពី​ប្រព័ន្ធ​ប្រតិបត្តិការ​នេះ​ទើប​បង្ហាញ​ខ្លួន​ក្នុង​ខែ​ធ្នូ​ ​២០១៦​ ​ហើយ​គេ​ក៏​អះអាង​ថា​ ​Nougat​ ​នឹង​មាន​អ្នក​ប្រើប្រាស់​ច្រើន​លើស​លុប​នា​ពាក់​កណ្ដាល​ឆ្នាំ​ ​២០១៧៕

ប្រភព៖ Androidcentral   ប្រែ​សម្រួល៖ រដ្ឋ