២ម៉ូដែលស៊េរីថ្មី K10 និង K8 2017 រាងស្តើងទាក់ទាញ សម្ពោធព្រឹកមិញមានថែមទាំងកាដូឲ្យម៉ាអេម

2017-05-04 09:26:52
ចំនួនមតិ 0 | ចំនួនចែករំលែក 0

ចន្លោះមិនឃើញ

G Gear ក្រុមហ៊ុនចែកចាយផ្ដាច់មុខទូរសព្ទ LG ប្រចាំកម្ពុជា បានសហការជាមួយ Cellcard ដើម្បីសម្ពោធ និងលក់ជាផ្លូវការនូវទូរសព្ទស្មាតហ្វូន(Smartphone) ថ្មី ២ ម៉ូដែល គឺ LG K10 និង LG K8 ដែលធ្វើនៅការិយាល័យកណ្ដាលរបស់ Cellcard តាមមហាវិថីព្រះសីហនុ កាលពីព្រឹកថ្ងៃព្រហស្បតិ៍នេះ។

G Gear សម្រេចនាំទូរសព្ទទាំងនេះចូលមកសម្រាប់អតិថិជនកម្ពុជា ព្រោះជា Smartphoneជំនាន់ថ្មី ២០១៧ ដែល LG រចនាឡើងជាពិសេសសម្រាប់ផ្ដល់បទពិសោធន៍ជាមួយបច្ចេកវិទ្យាថ្មីៗ រួមទាំងអេក្រង់ធំ និងមានតម្លៃសមរម្យ។

ក្នុងឱកាសសម្ពោធSmartphone ស៊េរីថ្មីនេះ G Gear និង Cellcard ផ្ដល់ជូនការលក់ក្នុងតម្លៃពិសេស និងកាដូជាច្រើនដូចជា ឆ្នាំងអ៊ុត ស្រោមទូរសព្ទ ស្គ្រីនការពារអេក្រង់ ស៊ីមលេខពិសេស រួមបញ្ចូលអ៊ីនធឺណិត ៤៨GB សម្រាប់ពេល ៦ខែ និង បង្វិលកងឈ្នះរង្វាន់ជាច្រើនដូចជាម៉ាស៊ីនបោកសម្លៀកបំពាក់ LG និងរង្វាន់ជាច្រើនទៀត។

LG K10 មានលក្ខណៈសម្បត្តិ៖

CPU ប្រភេទ Octa-Core Processor ល្បឿន ១.៥GHz
RAM ទំហំ ២ GB
Memory ម៉ាស៊ីនទំហំ ១៦ GB អាចបន្ថែមMemory Card ប្រភេទ MicroSD
ថ្មទំហំ ២.៨០០ mAh ប្រើស៊ីម 4G បាន
អេក្រង់ IPS ទំហំ ៥.៣ អ៊ីញ ហើយមានលក្ខណៈកោង ២.៥D
កាមេរ៉ាក្រោយ ១៣ និងកាមេរ៉ាមុខ ៥ មេហ្គាភិចសែល ដែលអាចថតរូបបាន ១២០ ដឺក្រេ ជាមួយបច្ចេកវិជ្ជា Wide Angle Selfie Camera

LG K8 វិញ ក៏មិនចាញ់ K10 ប៉ុន្មានដែរ ដោយបំពាក់ដូចជា៖

CPU Quad-Core Processor ល្បឿន ១.២៥ GHz
RAM ទំហំ ១.៥ GB
Memory ម៉ាស៊ីនទំហំ ១៦ GB អាចបន្ថែមMemory Card ប្រភេទ MicroSD
ថ្មទំហំ ២.៥០០mAh ជាមួយអេក្រង់ទំហំ ៥.០ អ៊ីញ
កាមេរ៉ាក្រោយ ១៣ និងកាមេរ៉ាមុខ ៥ មេហ្គាភិចសែល

កម្មវិធីពិសេសនេះធ្វើឡើងចាប់ពីថ្ងៃទី៤-៧ ឧសភា ២០១៧ នៅការិយាល័យកណ្ដាល Cellcard។ ព័ត៌មានបន្ថែម ចូលទៅវិបសាយ www.cellcard.com.kh ឬទូរសព្ទទៅ ០១២ ៨១២ ៨១២ ៕