សូត្រមន្តរំដោះគ្រោះបែបណា ទើបអាចធ្វើអោយអ្នកជំងឺជាបាន?

2017-05-23 01:49:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាធម្មតា ខ្មែរបុរាណតែងមានជំនឿពាក់ព័ន្ធនឹងការសែនព្រេន និង សូត្រមន្តរំដោះគ្រោះជាយូរលង់ណាស់មកហើយ។ ដោយក្នុងនោះ ពេលដែលមានអ្នកជំងឺឈឺយូរថ្ងៃដោយមិនដឹងហេតុផលម្ដងៗ នោះពួកគាត់រមែងសង្ស័យ ហើយទៅជួបគ្រូបុរាណអោយគន់គូរមើលជាក់ជាមិនខាន។ ក្នុងករណីដែលឃើញមានគេធ្វើអំពើមកលើខ្លួនមែននោះ ពួកគាត់តែងនិមន្តព្រះសង្ឃដើម្បីសូត្រមន្តរំដោះគ្រោះអោយអ្នកជំងឺដើម្បីអោយបានជាសះស្បើយឡើងវិញ។

ខាងក្រោមនេះគឺជារបៀបក្នុងការរៀបរណ្ដាប់តាមបែបបុរាណដែលត្រឹមត្រូវ៖

ទី១ ត្រូវរៀបគ្រឿងពុទ្ធបូជា មានដូចជាបាយសីប៉ាក់ឆាមួយគូ ស្លាធម៌មួយគូ ទឹកអប់មួយគូ ទៀនប្រាំ ធូបប្រាំ លាជប្រាំ ផ្កាប្រាំ។

ទី២ ត្រូវរៀបគ្រឿងទេវតា មានស្លាធម៌៨ ទឹកអប់៨ ដោយរៀបដាក់សងខាងខ្លួនអ្នកជំងឺម្ខាង៤។

ទី៣ ត្រូវធ្វើពែមួយ ដែលគេអោយឈ្មោះថាជាពែមឈូស។ វាមានបណ្ដោយប្រវែងមួយហត្ថអ្នកជំងឺ ទទឹង ប្រវែងមួយចំអាមអ្នកជំងឺ ហើយត្រូវរៀបដាក់បាយ សម្ល ញ៉ាំ ភ្លា នំចំណីក្នុងពែនោះ។ បន្ទាប់មកសូនរូបមួយដោយម្ស៉ៅគឺជារូបស្នងខ្លួនរបស់អ្នកជំងឺសម្រាប់ដាក់រៀបក្នុងពែនោះ។ មិនតែប៉ុណ្ណោះក៏ត្រូវមានស្បូវស្ងួតមួយក្ដាប់ទុកគ្រាន់ដុតរូបនោះផងដែរ។

ទី៤ ត្រូវត្រៀមសំពត់ប្រវែង៤ហត្ថនៃអ្នកជំងឺ និង មានវាល់អង្ករដោយចានតូចៗចំនួនស្មើនឹងអាយុរបស់អ្នកជំងឺផងដែរ។ ហើយបើមានសេស ខែ ថ្ងៃ ប៉ុន្មាន អោយវាល់ប៉ុណ្ណោះដាក់ទៅទៀត។ បន្ទាប់មក ត្រូវវាល់ទឹកអប់ចំនួនដូចគ្នានេះ ដាក់ក្នុងផ្ដិលធំមួយ និង មានពូនភ្នំខ្សាច់មួយពូនដាក់នៅថាសផងដែរ។

ទី៥ របស់របរដែលបានរៀបចំខាងលើ ត្រូវយកទៅរៀបដាក់នៅខាងមុខកន្លែងព្រះសង្ឃសូត្រមន្ត។ លុះលោកសូត្រមន្ត និង អាចារ្យរៀបចំសែនព្រេនអោយចៀសគ្រោះថ្នាក់រួចហើយនោះ ត្រូវយកភ្លើងអុជស្បូវហើយដុតលើរូបស្មូនម្ស៉ៅនោះ ដើម្បីជាឧបកិច្ចថាបានដុតអ្នកជំងឺនោះហើយ។ ចុងក្រោយ ត្រូវជូនពែនោះទៅតាមទិស នោះអ្នកជំងឺនឹងបានជាសះស្បើយដូចដើម។

ជំនឿ ទាក់ទងនឹងភ្លើងអាប ហោះនៅពេលយប់

ជំនឿដូនតាខ្មែរ ដាច់ខាតកុំសង់ផ្ទះក្នុងខែទាំងនេះឲ្យសោះ

ជំនឿប្លែកៗចំនួន ១០ប្រទេស អ្នកមិនធ្លាប់ដឹង

ចន្ថា

ប្រភព៖ សៀវភៅទំនៀមទម្លាប់ និង ពិធីបុណ្យផ្សេងៗរបស់ជនជាតិខ្មែរ