អាល់ប៊ុមចម្រៀងថ្មីរបស់ Kesha មានឥទ្ធិពលពី Aliens?

2017-07-10 08:56:03
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Kesha និយាយថាអាល់ប៊ុមថ្មីរបស់នាងមានចំណងជើងថា "Rainbow” ទទួលបានការជះឥទ្ធិពលខ្លះៗពីការប្រទះឃើញ Aliens របស់នាង។

តារាចម្រៀង Kesha

តារាវ័យ៣០ឆ្នាំរូបនេះបានដាក់បញ្ចូលនូវបទចម្រៀងមួយបទមានចំណងជើងថា "Spaceship" ទៅក្នុងអាល់ប៊ុម "Rainnow” ដោយបញ្ជាក់ថានាងធ្លាប់ឃើញយាននោះ។

តាមរយៈកម្មវិធីមួយមានឈ្មោះថា "Zach Sang Show” នាងបាននិយាយថា នាងពិតជាឃើញយានអវកាសពិតប្រាកដមែន។ នាងបន្តទៀតថា មនុស្សភាគច្រើនប្រាកដជាគិតថានាងស្រវឹងឫក៏ប្រើប្រាស់គ្រឿងញៀនហើយទើបរវើរវាយបែបនេះ ប៉ុន្តែនាងមិនបានញ៉ាំស្រាឫប្រើប្រាស់អ្វីទាំងអស់គឺសតិធម្មតា១០០ភាគរយ។

Kesha បន្តថាដូច្នេះថា “ខ្ញុំសុខចិត្តស្បថចំពោះព្រះ វាមានដល់ទៅ៥ទៅ៧ឯណោះ ហើយខ្ញុំក៏ឆ្ងល់ខ្លួនឯងដែរ ហេតុអ្វីក៏ខ្ញុំមិនស្រវារកកាមេរ៉ាដើម្បីថត? ព្រោះខ្ញុំគ្រាន់តែមើលវាពេលអង្គុយលើថ្មហើយក៏គិតក្នុងចិត្តថា តើវាជាស្អីទៅ? ពេលខ្ញុំកំពុងតែគិត ពួកគេក៏ទៅបាត់ហើយក៏ត្រលប់មកវិញ។ ពេលពួកវាត្រលប់មកវិញគឺមើលទៅវាផ្លាស់ប្ដូរជួរខុសពីមុន ហើយខ្ញុំក៏ដឹងក្នុងចិត្តថា នោះហើយជាពពួក Aliens ហើយទាំងនោះគឺជាយានរបស់ពួកគេ។"

ហេតុការណ៍នោះហើយដែលធ្វើឲ្យ Kesha ចាប់អារម្មណ៍ខ្លាំងរហូតដល់ថ្នាក់សរសេរបទចម្រៀងមួយមានចំណងជើង "Spaceship" បញ្ចូលទៅក្នុងអាល់ប៊ុមថ្មី "Rainbow" របស់នាងដែលនឹងបញ្ចេញជាផ្លូវការនៅថ្ងៃទី១១ខែសីហា៕

នេះជាវីដេអូដែលនាងបានបរិយាយពីការជួប Aliens របស់នាង៖