ចប់បាត់! អតីតតួ Spider-Man សារភាពរឿងមិននឹកស្មានដល់

2017-07-06 08:14:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Andrew Garfield សារភាពថាខ្លួនមិនប្រកាន់នោះទេ ចំពោះការមានទំនាក់ទំនងស្នេហាជាមួយមនុស្សប្រុស។ តារាវ័យ៣៣ឆ្នាំរូបនេះបានបញ្ជាក់នៅក្នុងឱកាសសួរនាំសម្រាប់រឿងល្ខោនថ្មីរបស់ខ្លួន ដែលមានចំណងជើងថា "Angels In America”។

តារាសម្តែង Andrew Garfield

បើតាមសារព័ត៌មាន Gay Times តារាសម្ដែងរូបនេះបានថ្លែងថា៖ "បើតាមខ្ញុំដឹង, ខ្ញុំមិនមែនជាខ្ទើយទេ។ ប៉ុន្តែខ្ញុំប្រហែលជាអាចផ្លាស់ប្ដូរនៅពេលខាងមុខក្នុងជីវិតរបស់ខ្ញុំ ហើយខ្ញុំគិតថាវាគឺជារឿងដ៏ល្អមួយដែលអាចឲ្យខ្ញុំស្វែងយល់ពីអ្វីដែលថ្មី ប៉ុន្តែនៅពេលនេះខ្ញុំសុំមិនទាន់ចង់ធ្វើរឿងទាំងនោះទេ"។

នៅក្នុងរឿងល្ខោននោះគឺនិយាយអំពីគូស្នេហ៍ពីរគូ ហើយ Andrew សម្ដែងជាតួអង្គស្រលាញ់ភេទដូចគ្នាដែលកំពុងតែតស៊ូនឹងជំងឺអេដស៍។ ហើយដោយសារតែពិបាកចិត្តនឹងបញ្ហានេះខ្លាំងពេក បានធ្វើឲ្យលោកបាក់បែកជាមួយនឹងដៃគូរបស់លោក ដែលសម្ដែងដោយតារាសម្ដែង James McArdle។

ឈុតមួយនៅក្នុងរឿងល្ខោន "Angels In America"

មុននឹងសម្ដែងតួអង្គនេះ Andrew បានចាប់ផ្ដើមមើលកម្មវិធី "RuPaul's Drag Race” ដែលជាកម្មវិធីមួយពេញនិយមសម្រាប់បុរសភេទទី៣ ដើម្បីរៀបចំខ្លួន។ តារារូបនេះសារភាពថាខ្លួនពិតជាចូលចិត្តមើលកម្មវិធីនេះខ្លាំងណាស់ដោយនិយាយថា៖ "នេះគឺជីវិតរបស់ខ្ញុំខាងក្រោយឆាកល្ខោនដែលខ្ញុំសម្ដែង។ ខ្ញុំគឺជាបុរសស្រលាញ់ភេទដូចគ្នាហើយពេលនេះ គ្រាន់តែមិនមានបញ្ចូលនឹងសកម្មភាពផ្លូវកាយ។"

Andrew Garfield ធ្លាប់ទាក់ទងជាមួយនឹងតារាឈ្នះពានរង្វាន់អូស្ការ Emma Stone កាលពីឆ្នាំ ២០១១ ពេលចាប់ផ្ដើមសម្ដែងរឿង “ The Amazing Spider-Man” ជាមួយគ្នា ហើយក៏បែកបាក់គ្នានៅឆ្នាំ ២០១៥។ ប៉ុន្តែនៅពេលនេះពួកគេនៅតែជាមិត្តល្អនឹងគ្នា ហើយនៅតែណាត់ជួបគ្នាជាញឹកញាប់៕