អាកាសធាតុត្រជាក់ខ្លាំង តែ Justin Bieber ដោះអាវបង្ហាញរាងនៅអូស្ត្រាលីធ្វើមិនដឹង

2017-07-04 09:01:40
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាចម្រៀង Justin Bieber ទើបតែចុះពីយន្តហោះឯកជននៅទីក្រុងស៊ីដនី ប្រទេសអូស្ត្រាលីកាលពីថ្ងៃចន្ទម្សិលមិញនេះ ដើម្បីចូលរួមកម្មវិធីសន្និសីទ Hillsong មានទីតាំងនៅ Qudos Bang Arena ទីក្រុងស៊ីដនី ដែលប្រព្រឹត្តិទៅចាប់ពីថ្ងៃទី៤ ដល់ថ្ងៃទី៧ ខែកក្កដា។

តារាវ័យ ២៣ឆ្នាំរូបនេះត្រូវបានគេប្រទះឃើញទៅលំហែខ្លួននៅឆ្នេរដ៏ល្បីឈ្មោះមួយឈ្មោះនាទីក្រុងស៊ីដនី ដោយដោះអាវបង្ហាញសាច់ដុំ ទោះបីជាអាកាសធាតុត្រជាក់យ៉ាងណាក៏ដោយ។

Justin បានចូលរូមដំណើរជាមួយនិងលោក Carl Lentz ដែលជាគ្រូប៉ាស្ទ័រល្បីឈ្មោះម្នាក់នៅទីក្រុង New York។

ដោយឡែកពេលល្ងាចថ្ងៃដដែល គេប្រទះឃើញ Justin លេងបាល់បោះនៅឧទ្យាន Sydney Olympic Park ជាមួយនិងមិត្តភក្តិ។ ក្រៅពីនេះរូបគេក៏បានថតរូប និងនិយាយលេងជាមួយអ្នកគាំទ្រជាច្រើននាក់ផងដែរ នៅថ្ងៃនោះ។

កម្មវិធីសន្និសីទ Hillsong នេះគឺជាកម្មវិធីមួយរបស់អ្នកកាន់សាសនាគ្រីស្ត ហើយអ្នកចូលទស្សនាត្រូវចំណាយដល់ទៅ ៣៥៩ដុល្លារឯណោះសម្រាប់ចូលរួមម្នាក់ៗ៕