ដើមទុនសំខាន់២ ធ្វើឱ្យយីហោអាជីវកម្មកាន់តែល្បី

2017-07-24 06:33:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថាបនិកនិងជាអ្នកគ្រប់គ្រងទូទៅរបស់ Mobile Coffee លោក យ៉ែម ឈីម បានប្រាប់ Sabay ឱ្យដឹងថា លោកមានដើមទុនសំខាន់ ២ ដើម្បីធ្វើយីហោអាជីវកម្មកាន់តែល្បី។

"ស្មោះត្រង់ ស្រឡាញ់ បុគ្គលិក, ស្មោះត្រង់ ស្រឡាញ់ អតិថិជន” ជាទស្សនៈដ៏សាមញ្ញបំផុត ដែលយុវជន យ៉ែម ឈីម បង្ហើបថា ធ្វើឱ្យយីហោខាងលើរបស់លោក ល្បី និងទទួលបានការគាំទ្រច្រើន ពីអតិថិជនជាពិសេសយុវវ័យ។

ស្មោះត្រង់ ស្រឡាញ់ បុគ្គលិក ត្រង់ចំណុចនេះ សហគ្រិនវ័យក្មេងមកពីខេត្តត្បូងឃ្មុំ បញ្ជាក់ថា ក្រៅពីផ្ដល់ការងារឱ្យបុគ្គលិក លោកបានផ្ដល់មានលក្ខខណ្ឌការងារសមរម្យ ប្រាក់ខែសមរម្យ ផ្ដល់ឱកាសឱ្យបុគ្គលិករៀនសូត្រ មិនធ្វើឱ្យប៉ះពាល់ដល់ការសិក្សា និងផ្ដល់ជាដំណើរកម្សាន្ត បែបលក្ខណៈគ្រួសារ ប៉ុន្តែមិនមែនបែបថៅកែ និងបុគ្គលិកឡើយ។

ចំណែកឃ្លា ស្មោះត្រង់ ស្រឡាញ់ អតិថិជន សហគ្រិនដុះចេញពីគ្រួសារកសិករ និង ធ្លាប់សុំចេតីយវត្តជ្រោយថ្មស្នាក់នៅ អំឡុងពេលរៀនថ្នាក់ទី ១២ រូបនេះ ចង់សំដៅលើការជ្រើសរើសផលិតផលល្អ មិនប៉ះពាល់ដល់សុខភាព ពោលគឺ ឆ្ងាញ់ តម្លៃសមរម្យ សុខភាពល្អ និងមានសេវាកម្មល្អ។ សហគ្រិនវ័យក្មេង ដែលជាទីចាប់អារម្មណ៍របស់យុវវ័យ យ៉ែម ឈីម បន្ថែមថា ដើម្បីឱ្យអតិថិជនកាន់តែទុកចិត្ត ម្ចាស់អាជីវកម្មគួរជៀសវាង ការផ្សព្វផ្សាយ (ប្រូសិន) ទាំងឡាយណាមិនពិត។

គួរបញ្ជាក់ថា ទាំងពីរចំណុចខាងលើ ជាទស្សនៈដែលលោក យ៉ែម ឈីម បានលើកលើកឡើងក្នុងពិធីបើកសម្ពោធ ហាងកាហ្វេសាខាទី១ Mobile Coffee ខាងត្បូងវិមានឯករាជ្យ កាលពីពេលថ្មីៗនេះ៕