ក្រោយជួបរឿងអាស្រូវឥតល្ហែ Kim Hyun Joong ប្រកាសរឿង១ធ្វើឲ្យអ្នកគាំទ្ររំភើបខ្លាំង

2017-08-11 02:08:50
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងអតីតសមាជិកក្រុមចម្រៀង SS501 លោក Kim Hyun Joong បានសម្រេចចិត្តវិលមកបង្ហាញខ្លួនជាមួយស្នាដៃថ្មីម្ដងទៀតហើយក្នុងពេលឆាប់ៗនេះ។

យោងតាមវិបសាយ Sport DongA បាននិយាយថា ថ្មីៗនេះ Kim Hyun Joong កំពុងផ្ដោតលើការងារផលិតអាល់ប៊ុមថ្មីរបស់ខ្លួន។ ប៉ុន្តែទោះជាយ៉ាងណាក្ដី កាលបរិច្ឆេទជាក់លាក់ក្នុងការវិលមកវិញនេះ ប្រភពដដែលនេះមិនទាន់បញ្ជាក់នៅឡើយទេ។

ជាមួយនឹងការត្រឡប់មកវិញនេះដែរ តារាចម្រៀងរូបនេះក៏មានគម្រោងផ្សព្វផ្សាយស្នាដៃថ្មីនៅក្នុងប្រទេសជប៉ុន និងចិនផងដែរ។ យ៉ាងណាមិញ តួប្រុស Yoon Ji Hoo ក្នុងរឿង "Boys Over Flower” នេះ ក៏ធ្លាប់បង្ហើបក្នុងបទសម្ភាសន៍ជាមួយទស្សនាវដ្ដីជប៉ុន "Chao” ពីគម្រោងចេញអាល់ប៊ុមថ្មីរបស់លោកដែរ។ ក្នុងបទសម្ភាសន៍លោកបាននិយាយថា៖ "អ្នកទាំងអស់គ្នានឹងបានស្ដាប់បទថ្មីដែលនិពន្ធដោយខ្ញុំផ្ទាល់ដែលគ្រោងចេញនៅរដូវរងាខាងមុខនេះហើយ”។

បកទៅខែមីនា ដើមឆ្នាំ ២០១៧នេះវិញ តារាប្រុសរូបនេះបានជួបប្រទះនឹងរឿងរ៉ាវល្អក់កករក្នុងជីវិតជាច្រើនក្រោយបញ្ចប់កាតព្វកិច្ចពីយោធា ដោយបានជាប់ពាក់ព័ន្ធពីបទបើកបរដោយមានជាតិស្រវឹងក្នុងខ្លួន ព្រមទាំងមានរឿងចម្រូងចម្រាសជាមួយអតីតសង្សារទៀតផង៕

ចុចអាន៖

ប្រភព៖ Allkpop ប្រែសម្រួល៖ យី សុធារី