រកឃើញជយលាភីលេខ១កញ្ញាឯកកម្ពុជា២០១៧

2017-09-02 03:16:46
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីយប់មិញនេះការប្រកួតប្រជែងប្រឡងផ្នែកកញ្ញាឯកកម្ពុជា២០១៧(Miss Cambodia 2017 ) ដែលរៀបចំឡើងនៅ Naga World បានរកឃើញជ័យលាភីលេខ១ក្រោយពីធ្វើការជម្រុះជាច្រើនវគ្គ។

រឿន ណា ម្ចាស់ជយលាភីលេខ១កញ្ញាឯកកម្ពុជា២០១៧

កញ្ញាឯកកម្ពុជាលេខ១សម្រាប់ឆ្នាំ២០១៧នេះបានទៅលើបេក្ខនារីឈ្មោះ រឿន ណា អាយុ ១៨ ឆ្នាំ មកពីខេត្តកំពង់ចាម។ នាង គឺជាបេក្ខនារីមួយរូបទទួលបានពានរង្វាន់៣ក្នុងការប្រកួត ពានទី១ ជាកញ្ញាឯកដែលគ្រងឈុតជប់លៀងស្រស់ស្អាតជាងគេបំផុត ពានទី២ស្លៀកឈុតប្រពៃណីខ្មែរស្រស់ស្អាតលេចធ្លោជាងគេ និងពានទី៣ចុងក្រោយទទួលបានងាជាកញ្ញាឯកកម្ពុជាសម្រាប់ឆ្នាំ២០១៧។

រឿន ណា បានលើកឡើងថា នាងពិតជាមានអារម្មណ៍រំភើបយ៉ាងខ្លាំង ព្រោះមិននឹកស្មានថាខ្លួនមានឱកាសបានគ្រងមកុដកញ្ញាឯកកម្ពុជាសម្រាប់ឆ្នាំ២០១៧នេះ។

"ចំពោះការប្រឡងបវរកញ្ញាគឺជាក្ដីស្រមៃ១របស់ខ្ញុំតាំងពីនៅតូច ពេលនេះខ្ញុំបានសម្រេចក្ដីស្រមៃហើយ ដូច្នេះខ្ញុំនឹងយកអ្វីដែលខ្ញុំទទួលបាននៅថ្ងៃនេះទៅបង្ហាញលើឆាកអន្តរជាតិដើម្បីឲ្យពិភពលោកស្គាល់ពីវប្បធម៌ប្រពៃណីដ៏ផូរផង់របស់កម្ពុជា"។កញ្ញាឯកលេខ១ថ្លែងបញ្ជាក់។

គួរបញ្ជាក់ការប្រឡងកញ្ញាឯកកម្ពុជាសម្រាប់ឆ្នាំ២០១៧ នេះមានការដាក់ពិន្ទុយ៉ាងសុក្រឹតពីគណៈកម្មការទើបរកឃើញម្ចាស់ជយលាភីលេខ១៕