រឿងរ៉ាវពិត នៅពីក្រោយកន្លែងលក់ជើងមាន់ ដែលកម្មករប្រើមាត់ខាំ មុនពេលលក់ចេញ (មានវីដេអូ)

2017-12-20 09:42:12
ចំនួនមតិ 0 | ចំនួនចែករំលែក 0

ចន្លោះមិនឃើញ

វីដេអូឃ្លិបមួយខ្សែដែលបង្ហាញឲ្យឃើញកម្មករ ៦នាក់ អង្គុយខាំឆ្អឹងចេញពីជើងមាន់ ដើម្បីរៀបចំសម្រាប់លក់ បានធ្វើឲ្យអ្នកនិយមប្រើប្រាស់បណ្តាញសង្គម និងអ្នកចូលចិត្តញ៉ាំជើងមាន់ មានការភ្ញាក់ផ្អើលយ៉ាងខ្លាំង។

វីដេអូនេះត្រូវបានថតនៅរោងចក្រកែច្នៃជើងមាន់មួយកន្លែង នៅក្នុងប្រទេសថៃ ដោយបង្ហាញពីវិធីធ្វើជើងមាន់ដ៏ភ្ញាក់ផ្អើល ដែលមើលហើយអាចធ្វើឲ្យមនុស្សមួយចំនួន ឈប់ញ៉ាំជើងមាន់ជារៀងរហូត។

ទោះជាយ៉ាងណាក៏ដោយ ទីតាំងនៃរោងចក្រខាងលើ មិនត្រូវបានគេដឹងច្បាស់នោះទេ ប៉ុន្តែអ្នកអាចស្ដាប់ឮការចាក់ផ្សាយតាមទូរទស្សន៍ថៃ នៅក្នុងវីដេអូនោះបាន។

ខណៈពេលដែលវាធ្វើឲ្យមនុស្សជាច្រើនភ្ញាក់ផ្អើល អ្នកលេងបណ្ដាញសង្គមថៃមួយចំនួនទៀត បាននិយាយថា ដំណើរការប្រើធ្មេញខាំជើងមាន់បែបនេះ បានកើតមានឡើងយូរណាស់មកហើយ ព្រោះវាលឿនជាងការប្រើឧបករណ៍ស្រួចៗ ដែលអាចធ្វើឲ្យខូចជើងមាន់។

ថ្វីបើមនុស្សជាច្រើនខ្ពើមនឹងដំណើរការនេះ ប៉ុន្តែមនុស្សមួយចំនួនទៀតមានអារម្មណ៍សោកស្ដាយចំពោះកម្មករ ដែលត្រូវខាំជើងមាន់ឆៅរាល់ថ្ងៃបែបនេះ។

អ្នកលេងបណ្ដាញសង្គមម្នាក់បានបញ្ចេញមតិថា «ប្រសិនបើនេះជាប្រទេសផ្សេងវិញ នោះថៅកែនឹងត្រូវគេចាប់ខ្លួន ព្រោះវាមិនមានសុវត្ថិភាពសម្រាប់បុគ្គលិកនោះទេ។ សាច់មាន់ពោរពេញទៅដោយជំងឺ។ វាគួរឲ្យខ្លាច ហើយខ្ញុំមានអារម្មណ៍សោកស្ដាយចំពោះពួកគេណាស់»៕

ខាងក្រោមនេះគឺជារូបភាពមួយចំនួន ដែលបង្ហាញឲ្យឃើញរោងចក្រកែច្នៃសាច់មាន់ដទៃទៀត ត្រូវគេថតបានកាលពីឆ្នាំ២០០៥៖

ចុចអាន៖

ប្រភព៖ Coconut ប្រែសម្រួល៖ សេង ឡុង