តែប៉ុណ្ណេះ អ្នកហ៊ានប្រើស៊ីមអត់អត្តសញ្ញាណប័ណ្ណ ដឹងតែមិនរួចខ្លួនទេ
- 2017-12-21 01:05:00
- ចំនួនមតិ 0 | ចំនួនចែករំលែក 0
តែប៉ុណ្ណេះ អ្នកហ៊ានប្រើស៊ីមអត់អត្តសញ្ញាណប័ណ្ណ ដឹងតែមិនរួចខ្លួនទេ
ចន្លោះមិនឃើញ
ក្រសួងប្រៃសណីយ៍និងទូរគមនាគមន៍បានបញ្ជាក់ថា រហូតមកដល់ពេលនេះ មានស៊ីមទូរសព្ទប្រហែល ៨០ ភាគរយបានចុះបញ្ជីត្រឹមត្រូវ ក្នុងពេលដែលក្រសួងកំពុងធ្វើការបន្ថែមដើម្បីឈានទៅសម្រេចគោលដៅឲ្យបាន ១០០ ភាគរយ។
ថ្លែងចូលរួមក្នុងវេទិកាសហគ្រាសខ្នាតតូចនិងមធ្យម SME ដែលរៀបចំឡើងកាលពីថ្មីៗនេះ ឯកឧត្តម ត្រាំ អ៊ីវតឹក រដ្ឋមន្ត្រីក្រសួងប្រៃសណីយ៍និងទូរគមនាគមន៍បានឲ្យដឹងថា បន្ទាប់ពីក្រសួងបានចេញបទបញ្ជាឲ្យប្រតិបត្តិការទូរសព្ទទាំងអស់ ត្រូវធ្វើការរឹតបន្តឹងការលក់ស៊ីមតាមទីសាធារណៈដែលមិនបានចុះឈ្មោះត្រឹមត្រូវ ឃើញថាការចុះបញ្ជីស៊ីមកាតរបស់អ្នកប្រើប្រាស់បានកើនឡើង។
"គិតមកទល់ពេលនេះបានប្រហែល ៨០ ភាគរយហើយ ហើយយើងនឹងប្រឹងធ្វើឲ្យបាន ១០០ ភាគរយនៅពេលខាងមុខ"។
លោកបន្តថា ដើម្បីឈានទៅសម្រេចគោលដៅ ក្រសួងនឹងធ្វើការជាមួយប្រតិបត្តិករទូរសព្ទទាំងអស់ រៀបចំប្រព័ន្ធតាមដានរាល់ការប្រើប្រាស់ស៊ីមដែលគ្មានប្រភពច្បាស់លាស់ រួចឈានទៅបិទការប្រើប្រាស់តែម្តង។
តាមរបាយការណ៍ពីក្រសួងប្រៃសណីយ៍និងទូរគមនាគមន៍ មកទល់ពេលនេះមានស៊ីមទូរសព្ទជាង ២០ លានកំពុងប្រើប្រាស់ ក្នុងចំណោមពលរដ្ឋកម្ពុជាប្រហែល ១៥ លាននាក់៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...
អានអត្ថបទ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
