មកដឹងមូលហេតុ ម៉េចបាន Dybala អង្គុយលើបង់ នៅពីរប្រកួតចុងក្រោយ
- 2017-12-20 13:14:39
- ចំនួនមតិ 0 | ចំនួនចែករំលែក 0
មកដឹងមូលហេតុ ម៉េចបាន Dybala អង្គុយលើបង់ នៅពីរប្រកួតចុងក្រោយ
ចន្លោះមិនឃើញ
អ្នកចាត់ការក្លឹប Juventus លោក Massimiliano Allegri កាលពីពេលថ្មីៗនេះ បាននិយាយថា មូលហេតុដែលកីឡាករ Paulo Dybala មិនបានចាប់ផ្ដើមក្នុងប្រកួតពេលប៉ះជាមួយ Inter និង Bologna គឺដោយសារប្រព័ន្ធលេងមានការផ្លាស់ប្ដូរក្នុងប៉ុន្មានប្រកួតចុងក្រោយ។ លោក Allegri ក៏បានបញ្ជាក់ថា Dybala អាចនឹងចូលលេងក្នុងប្រកួតក្រោយ។
លោក Allegri បានថ្លែងថា៖ "ពួកយើងមានប្រព័ន្ធក្នុងការលេង ដែលមានលក្ខណៈខុសប្លែក នៅ ពីរបីប្រកួតចុងក្រោយនេះ អ៊ីចឹងបានជា Dybala មិនបានចូលលេង។ ដូច្នេះ នៅពេលគេត្រូវបានលេងវិញ យើងត្រូវតែធ្វើការកេងចំណេញពីទម្រង់លេង និងបច្ចេកទេសដ៏ល្អរបស់គេ"។ លោកបានបន្តទៀតថា៖ “Dybala ជាកីឡាករដែលមានសមត្ថភាពក្នុងការស៊ុតពី ១៥ ទៅ ២០គ្រាប់ ក្នុងមួយរដូវកាលនៅក្នុងលីគអ៊ីតាលីនេះ ហើយមិនត្រឹមប៉ុណ្ណឹងទេ គេថែមទាំងបញ្ជូនបាល់ឲ្យមិត្តរួមក្រុមគេស៊ុតទៀតផង"។
ការថ្លែងបែបនេះ ធ្វើឡើងបីថ្ងៃប៉ុណ្ណោះ បន្ទាប់ពី លោក Allegri បានរិះគន់ទៅប្រព័ន្ធសារព័ត៌មានដែល បានប្រៀបធៀបកីឡាករ Paulo Dybala ទៅនឹង Lionel Messi។ លោកបាននិយាយថា ការប្រៀបធៀបនេះ បានដាក់សម្ពាធទៅលើ Dybala។
សូមបញ្ជាក់ផងដែរថា ខ្សែប្រយុទ្ធ Dybala បង្ហាញទម្រង់លេងយ៉ាងញាក់សាច់នៅពេលរដូវកាលថ្មីទើបចាប់ផ្ដើម ដោយស៊ុតបានរហូតបាន ១២គ្រាប់ក្នុងលីគកំពូលអ៊ីតាលីគិតមកទល់នឹងពេលនេះ។ ទោះជាយ៉ាងណា ក្នុង ១០ប្រកួតចុងក្រោយ ខ្សែប្រយុទ្ធអាហ្សង់ទីនរូបនេះ រកបានតែ ១គ្រាប់ប៉ុណ្ណោះ៕