៦យ៉ាងអ្នកគួរជៀសវាង បើមិនចង់ឲ្យរថយន្តឆាប់មានបញ្ហា

2017-12-23 00:46:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការក្លាយជាម្ចាស់រថយន្តអាចល្អប្រសើរ តែក៏អាចកាត់បន្ថយចំណូលអ្នកច្រើនដែរ ប្រសិនបើអ្នកមិនបានថែទាំរថយន្តបានល្អ ដូច្នេះអ្នកអាចពិនិត្យមើល ៦ ចំនុចខាងក្រោម ដែលអាចធ្វើឲ្យរថយន្តឆាប់មានបញ្ហា ដើម្បីងាយស្រួលក្នុងការជៀសវាង៖

១. មើលរំលង Engine light

ការមើលរំលង Engine light ជាលទ្ធផលអាចធ្វើឲ្យម៉ាស៊ីនមានបញ្ហាកាន់តែខ្លាំង ហើយការជួសជុលក៏ចំណាយច្រើនផងដែរ។ យ៉ាងហោចណាស់ ពន្លឺឲ្យដំណឹងនេះអាចប្រាប់អ្នកពីបញ្ហាម៉ាស៊ីនដែលទាក់ទងនឹងកម្រិតប្រេង។

២. មិនផ្លាស់ប្ដូរប្រេង និងតម្រង

ប្រេងជាច្រើនត្រូវការសម្រាប់ដំណើរការ និងការពារប្រព័ន្ធម៉ាស៊ីន និងសមាសធាតុផ្សេងទៀត។ ការពិនិត្យកម្រិត ប្រេង ឲ្យបានទៀងទាត់ រួមជាមួយនឹងតម្រង អាចជួយធានាថារថយន្តដំណើរការដោយទុកចិត្ត និងពង្រីកអាយុរថយន្ត។

៣. មិនយកចិត្តទុកដាក់លើកង់

អ្នកគួរពិនិត្យកង់រថយន្តឲ្យបានញឹកញាប់ទាក់ទងនឹងខ្យល់ និងភាពសឹកកម្រាស់សំបកកង់។ កង់មានខ្យល់មិនគ្រប់គ្រងអាចនឹងឆាប់ខូចគុណភាព ដែលត្រូវការផ្លាស់ប្ដូរឆាប់រហ័ស ហើយអាចប៉ះពាល់ដល់សុវត្ថិភាព ការប្រើឧស្ម័ន និងល្បឿនផងដែរ។

៤. មិនត្រួតពិនិត្យរថយន្តតាមកាលកំណត់

សមាសធាតុជាច្រើនអាចខូចគុណភាពក្នុងរយៈពេលមួយកំណត់ ដូច្នេះរថយន្តត្រូវការជាពិនិត្យប្រចាំដើម្បីប្រើប្រាស់បានល្អ។ ការត្រួតពិនិត្យជួសជុលជាប្រចាំអាចជួយរក្សារថយន្តអ្នកដំណើរការមានប្រសិទ្ធភាព និងជួយជៀសវាងការជួសជុលមានតម្លៃថ្លៃពេលខូចតាមផ្លូវ។

៥. ទុករថយន្តឲ្យកខ្វក់

ការទុកឲ្យរថយន្តកខ្វក់មិនសម្អាតអាចបង្កជាស្នឹម ឬច្រេះលើផ្នែកមួយចំនួន ដែលប្រហែលជាត្រូវការប្រើពេលបើកបរ។

៦. ការបើកបរប្រញាប់ៗ

មិនថាពេលឈប់ និងទៅមុខសម្រាប់ភ្លើងចរាចរណ៍ អាកាសធាតុប្រែប្រួល ផ្លូវស្រួល ឬមានឧបសគ្គច្រើន ពេលខ្លះអាចពិបាកក្នុងការកំណត់កម្រិតបើកបរ។ ទោះជាយ៉ាងណា អ្នកអាចបើកដោយភាពវៃឆ្លាត និងសន្សំសំចៃប្រេង ដោយប្រើល្បឿនកំណត់មួយ, ជៀសវាងការបើកបរប្រឡងប្រជែង រួមមានប្រញាប់ទៅមុខ និងប្រញាប់ឈប់ ព្រមទាំងមិនដឹកជញ្ជូនវត្ថុមិនចាំបាច់៕