កូនប្រុសពៅនាយ ក្រឹម ដឹកដៃគូស្នេហ៍ចូលសិល្បៈ

2017-12-22 02:21:53
ចំនួនមតិ 0 | ចំនួនចែករំលែក 0

ចន្លោះមិនឃើញ

អ៊ូ ដានីញ៉ែល ជាកូនប្រុសពៅនាយ ក្រឹម ត្រៀមដឹកដៃគូស្នេហ៍របស់ខ្លួនថតបទចម្រៀងថ្មីឲ្យកញ្ញា Niki Nikiក្នុងពេលឆាប់ៗនេះហើយ។

ទាក់ទងរឿងរ៉ាវដឹកដៃគូស្នេហ៍ថតបទចម្រៀងថ្មីលើកដំបូង អ៊ូ ដានីញ៉ែល បានប្រាប់ Sabay ថា ដោយតែសាមីខ្លួនដែលជាម្ចាស់បទ និងអ្នកដឹកនាំសម្ដែងមើលឃើញលក្ខណៈសម្បត្តិលោក និងគូស្នេហ៍ថាស័ក្ដិសមជាមួយចម្រៀង Original Song មួយបទនេះទើបសម្រេចជ្រើសរើសឲ្យសម្ដែងរួមគ្នាតែម្ដងទៅ។

ចំពោះការចេញសម្ដែងនេះមិនមែនជាលើកទី១ សម្រាប់ដានីញ៉ែល ទេ កន្លងមកខ្លួនក៏ធ្លាប់សម្ដែងឈុតឆាកកំប្លែងជាមួយឪពុកដែរ កាលពីអាយុ ១២ ឆ្នាំ។ ហើយការវិលមកនៅមុខកាមេរ៉ាសាជាថ្មីក្នុងវ័យ ២២ ឆ្នាំ នេះកូនប្រុសពៅនាយ ក្រឹម នឹងខិតខំប្រឹងប្រែងឲ្យអស់ពីសមត្ថភាព។

កំលោះសង្ហាសម្បូររោមមុខបានរៀបរាប់ថា៖“ខ្ញុំ និងដៃគូខ្ញុំកញ្ញា គង់ សុភា បានសន្យាហើយថា នឹងប្រឹងប្រែងធ្វើឲ្យបានល្អចំពោះបទ Original Song របស់ Niki Niki ហើយយើងជឿជាក់ថាពួកយើងអាចធ្វើបាន។ បាទ ចំពោះចំណងជើងបទចម្រៀងដែលខ្ញុំនឹងចេញថតនៅថ្ងៃ ២៣ ធ្នូ នេះ ខាងម្ចាស់បទគេឲ្យខ្ញុំលាក់ចំណងជើងសិនបង"។

ក្រោយពីសម្ដែងបទចម្រៀង Original Song មួយបទនេះចប់ បើមានផលិតកម្មណាមួយទាក់ទងឲ្យថតរឿង ឬ កម្មវិធីអ្វីមួយ ដានីញ៉ែល មិនបដិសេធនោះទេ អ្វីដែលសំខាន់ការចរចាត្រូវរ៉ូវគ្នាជាមុនសិន៕

ចុចអាន៖កូនប្រុសពៅ នាយក្រឹម ទម្លាយរឿងឪពុកឈប់ផ្គត់ផ្គង់គ្រួសារច្រើនឆ្នាំមកហើយ

ខាងក្រោមរូបកូនប្រុសពៅ នាយ ក្រឹម និងកញ្ញា គង់ សុភា ដែលជាគូស្នេហ៍៖