តម្លៃ iPhone X មួយទឹក លក់តាមហាង នៅសល់ប៉ុន្មានដែរ?

2017-12-22 03:05:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ចេញលក់ផ្លូវការមិនដល់មួយខែផង iPhone X មានដាក់លក់ព្រាតនៅតាមហាងមួយចំនួន។ iPhone X ជាទូរសព្ទផលិតឡើងជាពិសេសជាខួប ១០ ឆ្នាំរបស់ Apple ដែលនាំបច្ចេកវិទ្យានិងការរចនារូបរាងដាច់ប្លែកពីជំនាន់មុនៗ។ ឯតម្លៃថ្មីបកពីកេសក៏មិនក្រោម 1K ដែរ។

តម្លៃ iPhone X ថ្មីនិងមួយទឹកដែលដាក់លក់នៅតាមហាងមួយចំនួននៅក្នុងទីក្រុងភ្នំពេញ៖

iPhone X ថ្មី នៅហាង សៀង លីន ទំហំ 64GB តម្លៃប្រហែល ១ ១១០ ដុល្លារ និងទំហំ 256GB តម្លៃប្រហែល ១ ៣០០ ដុល្លារ។ មួយទឹកវិញ ទំហំ 64GB តម្លៃប្រហែល ១ ០១០ ដុល្លារ និងទំហំ 256GB តម្លៃ ១ ២០០ ដុល្លារ។
iPhone X ថ្មី នៅហាង Piseth 16 ទំហំ 64GB តម្លៃ ១ ១១០ ដុល្លារ និងទំហំ 256GB តម្លៃ ១ ៣១០ ដុល្លារ។ មួយទឹក ទំហំ 64GB តម្លៃប្រមាណ ១ ០២០ ដុល្លារ និងទំហំ 256GB តម្លៃប្រហែល ១ ២០០ ដុល្លារ។
iPhone X ថ្មី នៅហាង អាន ឆែ សម្រាប់ទំហំ 64GB តម្លៃប្រហែល ១ ០៩៥ ដុល្លារ និងទំហំ 256GB តម្លៃប្រហែល ១ ២៩៥ ដុល្លារ។ តម្លៃមួយទឹក ទំហំ 64GB មានតម្លៃប្រហែល ១ ០៤០ ដុល្លារ និងទំហំ 256GB តម្លៃ ១ ២០០ ដុល្លារ។
iPhone X ថ្មី នៅហាង អៀ សុខហៀង សម្រាប់ទំហំ 64GB តម្លៃប្រហែល ១ ០៨០ដុល្លារ អត់ធានា និង ១១៩០ ដុល្លារ ធានារយៈពេលមួយឆ្នាំ និងទំហំ 256GB តម្លៃប្រហែល ១ ២៨០ ដុល្លារ មិនមានការធានា។
iPhone X ថ្មីយកពីហាង គួង អុី ទំហំ 64GB តម្លៃប្រហែល ១ ១៣០ ដុល្លារ និងទំហំ 256GB តម្លៃប្រហែល ១ ៣៣០ ដុល្លារ ។
iPhone X ថ្មី នៅហាង ស្រ៊ី ផ្លឹស សម្រាប់ទំហំ 64GB តម្លៃប្រហែល ១ ១១០ដុល្លារ និងទំហំ 256GB តម្លៃប្រហែល ១ ២៩០ ទៅ ១ ៣០០ ដុល្លារ។