ភ័យស្លន់ស្លោគ្រប់គ្នា ក្រោយឃើញពន្លឺភ្លើងចម្លែក ហោះលើផ្ទៃមេឃ ការពិតជា... (មានវីដេអូ)
- 2017-12-23 08:52:07
- ចំនួនមតិ 0 | ចំនួនចែករំលែក 0
ភ័យស្លន់ស្លោគ្រប់គ្នា ក្រោយឃើញពន្លឺភ្លើងចម្លែក ហោះលើផ្ទៃមេឃ ការពិតជា... (មានវីដេអូ)
ចន្លោះមិនឃើញ
កាលពីថ្ងៃសុក្រម្សិលមិញនេះ ក្រុមអ្នកស្រុកនៅរដ្ឋ California និង Arizona សហរដ្ឋអាមេរិក មានការភ្ញាក់ផ្អើល និងភ័យស្លន់ស្លោយ៉ាងខ្លាំង នៅពេលដែលពន្លឺភ្លើងចម្លែកមួយ បានហោះលើផ្ទៃមេឃ តែក្រោយមកទើបគេដឹងថា វាគឺជាការបាញ់រ៉ុកកែតរបស់ក្រុមហ៊ុន SpaceX ប៉ុណ្ណោះ។
ពន្លឺភ្លើងពណ៌សនោះ មានរូបរាងទ្រវែងដូចជាសត្វត្រីអីចឹង បង្កឲ្យក្រុមអ្នកស្រុកមានការសង្ស័យ និងនាំគ្នាវែកញែកនៅលើបណ្ដាញសង្គម ដោយអ្នកខ្លះនិយាយថាវាជាការបាញ់ពីកូរ៉េខាងជើង ខណៈអ្នកខ្លះទៀតនិយាយថាវាជាយានរបស់មនុស្សក្រៅភព។
បើយោងតាមប្រភពព័ត៌មានបានឲ្យដឹងថា មនុស្សយ៉ាងហោចណាស់ ១៣០នាក់ ដែលរស់នៅផ្នែកមួយនៃទីក្រុង Los Angeles បានទូរសព្ទទៅកាន់លេខ ៩១១ ក្រោយពេលឃើញពន្លឺភ្លើងនោះ។
យ៉ាងណាមិញ ស្ថានីយទូរទស្សន៍ក្នុងស្រុកមួយចំនួន ក៏ទទួលបានការហៅទូរសព្ទចូលជាច្រើនផងដែរ ប៉ុន្តែបានប្រាប់ថា ពួកគេបានឃើញការបាញ់រ៉ុកកែតចេញពី មូលដ្ឋានទ័ពអាកាស Vandenberg Air Force Baseដែលស្ថិតនៅរដ្ឋ California ហើយវាមិនមែនជាអ្វីចម្លែក ឬពួកមនុស្សក្រៅភព ដូចដែលការសង្ស័យរបស់អ្នកនិយមប្រើប្រាស់បណ្ដាញសង្គមមួយចំនួនឡើយ៕
សូមទស្សនាវីដេអូខាងក្រោម៖
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
