ទើបពាក់កណ្ដាលរដូវកាលសោះ តែលីគធំ៤ហាក់រកឃើញម្ចាស់ពានរួចហើយ?
- 2017-12-25 02:42:43
- ចំនួនមតិ 0 | ចំនួនចែករំលែក 0
ទើបពាក់កណ្ដាលរដូវកាលសោះ តែលីគធំ៤ហាក់រកឃើញម្ចាស់ពានរួចហើយ?
ចន្លោះមិនឃើញ
នៅសល់ប្រហែល៥ខែទៀតរដូវកាល ២០១៦-១៧ នឹងបញ្ចប់ទាំងស្រុង ពេលនោះយើងនឹងដឹងថាក្រុមមួយណាក្លាយជាជើងឯកនៅតាមបណ្ដាក្របខ័ណ្ឌកំពូលៗរបស់អឺរ៉ុប។
យ៉ាងណាទោះជាទើបលេងបានពាក់កណ្ដាលរដូវកាលក្ដីតែ ក្របខ័ណ្ឌធំ៤របស់អឺរ៉ុបមាន អង់គ្លេស, បារាំង, អេស្ប៉ាញ និងអាល្លឺម៉ង់ ហាក់ដឹងពីក្រុមដែលអាចឈ្នះជើងឯករួចបាត់ទៅហើយ ដោយសារតែក្រុមកំពូលតារាងទាំងនោះដាច់ពិន្ទុគូប្រជែងឆ្ងាយៗមែនទែន។
នៅ La Liga ក្រោយយកឈ្នះប្រកួត El Clasico ៣-០ ក្រុម Barcelona ពេលនេះដាច់ពិន្ទុក្រុមលេខ២ Atletico Madrid ចំនួន៩ពិន្ទុ និងដាច់ជើងឯកចាស់ Real Madrid ចំនួន១៤ពិន្ទុ។ English Premier League វិញ Manchester City ដាច់ Manchester United ចំនួន១៣ពិន្ទុ និងដាច់ជើងឯកចាស់ Chelsea ចំនួន ១៦ពិន្ទុ។
ងាកទៅមើលក្របខ័ណ្ឌបារាំង France lique 1ក្រុម Paris Saint Germain មាន៥០ពិន្ទុ ដាច់ជើងឯកចាស់ Monaco ចំនួន៩ពិន្ទុ ហើយនៅ Bundesliga ក្រុម Bayern Munich ដែលការពារតំណែងជើងឯកកំពុងបន្តធ្វើព្យុះភ្លៀងនាំមុខលេខ២ Schalke 04 ចំនួន១១ពិន្ទុ។ ចំពោះនៅ Italy serie A របស់អ៊ីតាលីវិញហាក់នៅតានតឹងដោយលេខ១ Napoli និងលេខ២ Juventus ខុសត្រូវគ្នាតែ១ពិន្ទុប៉ុណ្ណោះ៕