កែវ រំចង់ នឹកសង្វៀនខ្លាំងមែនទែនរហូតគ្រាន់តែឮភ្លេងប្រដាល់ក៏ចង់ញាក់តាមដែរ

2017-12-25 06:09:46
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករជើងខ្លាំងរបស់កម្ពុជា កែវ រំចង់ ថានឹកសង្វៀនខ្លាំងណាស់ដល់ថ្នាក់គ្រាន់តែឮភ្លេងប្រដាល់នោះក៏ញាក់តាមដែរ។

កែវ រំចង់

កែវ រំចង់ បានឲ្យដឹងថា ទន្ទឹងរង់ចាំ និងរាប់ថ្ងៃរហូតបន់ឲ្យឆាប់ដល់ពេលឡើងសង្វៀនជាថ្មី ព្រោះនឹកសង្វៀនខ្លាំងដល់ថ្នាក់គ្រាន់តែឮភ្លេងមិនបានចង់តែញាក់តាម។ ខានឡើងសង្វៀនយូរដូចនេះ ធ្វើឲ្យអ្នកប្រដាល់ខាងលើនេះមានសុខភាពមិនល្អឡើយ គឺចេះតែថប់ៗដង្ហើម និងឡើងខ្លាញ់ធ្វើទុក តែពេលបានសម្រកទម្ងន់ និងហ្វឹកហាត់ឡើងវិញឥលូវហាក់ធូរស្រាលហើយ។

អ្នកប្រដាល់មកពីខេត្តបាត់ដំបងរូបនេះបន្ថែមថា មានចិត្តសប្បាយរីករាយនៅដែលមានអ្នកគាំទ្រមកទស្សនាយ៉ាងច្រើននៅសង្វៀនផ្ទាល់ ហើយបានហ៊ោលើកទឹកចិត្ត និងបន្តគាំទ្រដូចមុន។ ជើងខ្លាំងរូបនេះនឹងសម្រកទម្ងន់បន្តទៀត ព្រោះមិនចង់ប្រកួតក្នុងទម្ងន់ ៧៥គីឡូក្រាមដូចនេះទេវាធំពេក ហើយអាចប្រកួតត្រឹម ៧០-៧១ គីឡូក្រាមវិញ។

កែវ រំចង់ បាត់មុខពីសង្វៀនគុនខ្មែរប្រហែលជា១ឆ្នាំមកហើយ ទើបតែបង្ហាញមុខសារជាថ្មីនៅកាលពីថ្ងៃសុក្រ ទី២២ ខែធ្នូ២០១៨នេះទេ។ បើទោះជាខកខានឡើងសង្វៀនយូរមែន ប៉ុន្តែអ្នកប្រដាល់រូបនេះនៅតែធ្វើបានល្អសម្រាប់ប្រកួតដំបូងនេះផ្ដួលជើងឡាវ Orngta Petchchinda ឲ្យខូចជើងនៅទឹកទី៣៕

អត្ថបទ៖ នួន ស៊ីណា