គេតែងប្រើអំបោះពណ៌ក្រហមនៅក្នុងពិធីមង្គលការសម្រាប់ចងដៃគូស្វាមីភរិយាថ្មី ដើម្បីបញ្ជាក់ថា អ្នកទាំងពីរមានចំណងអាពាហ៍ពិពាហ៍ ដោយមានការដឹងឮពីចាស់ទុំ មេបា ចៅមហាទាំងសង្ខាង។ វាក៏ជាសញ្ញាណមួយ បង្ហាញឲ្យឃើញពីការថែរក្សាវប្បធម៌ជាតិផងដែរ។

ទំនៀមទម្លាប់ពីបុរាណមកនេះ ក៏តម្រូវប្ដីប្រពន្ធថ្មោងថ្មីទៅកាត់អំបោះចងដៃនេះនៅវត្ដ ពេលរៀបការរួចបាន ៣ ថ្ងៃផងដែរ។ ចំណារនេះ លោកតាអាចារ្យ សារ៉ុម នៅស្រុកកំពង់ត្របែក បានឲ្យដឹងថា វាមានយូរលង់ណាស់មកហើយ។ បើសិនជាកូនប្រុសធ្លាប់បានបួសរៀន មិនចាំបាច់ទៅកាត់អំបោះដៃក៏បាន ព្រោះគេធ្លាប់បានយល់ដឹងតម្លៃប្រពៃណីមួយនេះ។ តែបើសិនមិនធ្លាប់បានបួស ក្រោយរៀបការរួច ៣ថ្ងៃ ទាំងពីរនាក់ប្តីប្រពន្ធត្រូវតែទៅឲ្យព្រះសង្ឃកាត់អំបោះចងដៃ។ បើសិនផ្ទះនៅឆ្ងាយពីវត្ត ពួកគេអាចឲ្យឪពុកម្តាយបង្កើតកាត់ឲ្យក៏បាន។

ប្តីប្រពន្ធ ត្រូវទៅវត្ត ដោយយកបាយសម្លមួយស្រាក់ និងផ្កាស្លាក្នុងពិធីការ ដើម្បីឲ្យព្រះសង្ឃបានវេរទៅដល់កុងម៉ាជីដូនជីតា និងញាតិការទាំង ៧ សន្តាន សុំសេចក្តីសុខ និងសេរីមង្គល៕

អត្ថបទ​ពាក់ព័ន្ធ៖

• ត្រូវ​ប៉ាន់​ម៉ាច់​អ្នក​ជិត​ការ! ភេសជ្ជៈ​ប៉ុន្មាន​ប្រភេទ​នេះ កំពុង​ផ្ដល់​រង្វាន់​រាប់​ពាន់​ដុល្លារ ទាំង​អ្នក​ក្រុង ទាំង​អ្នក​ខេត្ត***

• ហាមដាច់ខាតធ្វើរឿងនេះ ពេលថ្ងៃការ ព្រោះអាចអពមង្គល