ចាប់បានអ្នករត់ពន្ធថ្នាំញៀនងាយៗ ព្រោះច្រឡំចូលរថយន្តប៉ូលិសស្មានថាតាក់ស៊ី

2017-12-25 08:42:14
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចែកចាយឆ្នាំញៀនម្នាក់នៅប្រទេសដាណឺម៉ាក កំពុងប្រឈមមុខនឹងពន្ធនាគារ បន្ទាប់ពីនាំយកកញ្ឆាកែច្នៃ ១០០០ដើម ឡើងជិះរថយន្តប៉ូលិស ព្រោះគិតថាជាតាក់ស៊ី។

កញ្ឆាកែច្នៃ

តាមសម្ដីប៉ូលិសនៅក្រុង Copenhagen បានឲ្យដឹងថា ជនសង្ស័យត្រូវបានឃាត់ខ្លួនងាយៗ បន្ទាប់ពីប្រញាប់ប្រញាល់ត្រលប់ទៅផ្ទះ ដោយឡើងជិះរថយន្តប៉ូលិស ព្រោះគិតថាជាតាក់ស៊ីបង់ថ្លៃធម្មតា។ តាមពិតទៅ ប៉ូលិសកំពុងស្វែងរកជនសង្ស័យរូបនេះ ប៉ុន្តែបែរជាចាប់បានស្រួលៗតែម្ដង នៅពេលច្រឡំឡើងជិះរថយន្តប៉ូលិសដោយខ្លួនឯង។

បើតាមមន្រ្តីប៉ូលិស ដែលបានសរសេរនៅលើបណ្ដាញសង្គម Twitter ថា៖ "កាលពីយប់មិញ អ្នកលក់កញ្ឆាម្នាក់ មកពី Christiania ដែលចង់ទៅផ្ទះឆាប់ៗ បានប្រញាប់ឡើងតាក់ស៊ី។ តែគាត់ភ្ញាក់ផ្អើលខ្លាំងណាស់ នៅពេលដឹងថាតាមពិតជាគាត់កំពុងអង្គុយក្នុងឡានប៉ូលិស... ប៉ូលិសនាំគ្នាសប្បាយចិត្តពេលឃើញបែបនេះ...”។

កាលពីឆ្នាំមុន ក៏មានរឿងចៃដន្យស្រដៀងគ្នានេះដែរ គឺបុរសពីរនាក់ នៅរដ្ឋ Idaho ដែលរត់ពន្ធថ្នាំញៀនជិត ១០គីឡូ បានប្រគល់ខ្លួនឲ្យប៉ូលិសងាយៗ បន្ទាប់ពីច្រឡំថាមានឡានសារ៉ែនកំពុងដេញតាមពីក្រោយ៕