មិនធ្លាប់ដឹង! កងទ័ពផ្អាកធ្វើសង្គ្រាមលោកលើកទី១ ដើម្បីអបអរបុណ្យណូអែលរួមគ្នា

2017-12-25 09:31:44
ចំនួនមតិ 0 | ចំនួនចែករំលែក 0

ចន្លោះមិនឃើញ

សង្គ្រាមលោកលើកទី ១ ត្រូវបានគេចងចាំថា ជាសង្គ្រាមដ៏អាក្រក់បំផុតមួយក្នុងប្រវត្តិសាស្ត្រមនុស្សលោក ដែលបានសម្លាប់ទាហាន និងជនស៊ីវិលរាប់លាននាក់។ ប៉ុន្តែក្នុងរយៈពេល ១ យប់និងមួយថ្ងៃ ភាគីក្នុងសមរភូមិដូចជា កងទ័ពបារាំង និងចក្រភពអង់គ្លេសនៅមួយប៉ែក ហើយកងទ័ពអាល្លឺម៉ង់នៅមួយប៉ែក បានទម្លាក់អាវុធចុះរយៈពេលខ្លី ដើម្បីអបអរពិធីបុណ្យណូអែលរួមគ្នា។

សង្រ្គាមនេះត្រូវបានសន្មត់ថា នឹងបញ្ចប់នៅត្រឹមថ្ងៃបុណ្យណូអែលឆ្នាំ ១៩១៤។ រយៈពេលប្រាំខែបន្ទាប់ពីសង្គ្រាមបានចាប់ផ្តើមនៅក្នុងខែកក្កដា សង្គ្រាមនៅជួរមុខមានភាពជាប់គាំង និងធ្វើឲ្យមាន ការបាត់បង់ដែលមិនធ្លាប់មានពីមុនមកនៅសមរភូមិ Tannenberg, Marne និង Ypres ហើយបានបង្ខំឲ្យភាគីទំនាស់ឈានចូលទៅក្នុងសង្គ្រាមត្រជាក់ដែលគួរឱ្យខ្លាច និងត្រូវបានគេស្គាល់ថាជា សង្គ្រាមលោកលើកទី១។

ទាហានរបស់ភាគីទាំងខាង ស្ថិតនៅភាគខាងលិច បានចាប់ផ្ដើមអបអរពិធីបុណ្យណូអែលយ៉ាងល្អបំផុតតាមដែលពួកគេអាចធ្វើបាន។ មិនយូរប៉ុន្មាន កងទ័ពទាំងអស់ដែលនៅជួរមុខ បានចេញពីលេណដ្ឋានរបស់ពួកគេដោយគ្មានអាវុធ ហើយតម្រង់មកជួបជុំកងទ័ពសត្រូវដើម្បីអបអរពិធីបុណ្យណូអែល។

អ្វីដែលកើតឡើងបន្ទាប់ទៀតនោះ គឺជារឿងដ៏អស្ចារ្យមួយសម្រាប់មនុស្សជាតិ ដោយសារសត្រូវដែលទើបតែសម្លាប់គ្នាទៅវិញទៅមកយ៉ាងព្រៃផ្សៃក្នុងរយៈពេល ២ ទៅ ៣ ម៉ោងមុន បែរជាអាចមកនិយាយគ្នា, ច្រៀងរាំ និងញ៉ាំអាហារជាមួយគ្នាយ៉ាងសប្បាយប្រៀបដូចជាមិត្តជិតស្និទ្ធនឹងគ្នាទៅវិញ។

មួយសតវត្សក្រោយពីសង្រ្គាមបានចាប់ផ្តើម ទាហានអាឡឺម៉ង់ និងអង់គ្លេសនៅតែរួបរួមគ្នាលេងបាល់ទាត់ និងអបអរសាទរពិធីបុណ្យណូអែល។ ឥឡូវនេះភាគីទាំងពីរ គឺជាសម្ព័ន្ធមិត្តនឹងគ្នា ហើយវាគឺជាសន្តិភាព ដែលទាហានក្នុងឆ្នាំ ១៩១៤ តែងតែបួងសួងចង់បានសម្រាប់ភាគខាងលិច៕