ប្រុសៗប្រយ័ត្នប្រយែង ពេលដឹងសញ្ញាណមនុស្សស្រីកំពុងបោកប្រាស់ទាំងនេះ

2017-12-29 03:19:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រាស្រ័យទាក់ទងនៅក្នុងសង្គម មនុស្សស្រីត្រូវបានគេសម្គាល់ថា ត្រូវបានគេចូលចិត្តស្រឡាញ់រាប់អានជាងបុរស។ ដោយហេតុថា មនុស្សស្រីមានសក្ដានុពលពិសេសពីកំណើត តួយ៉ាង ជានារីភេទ មានរូបរាង និងពាក្យសម្ដី ដែលទន់ភ្លន់ជាមនុស្សប្រុស។ ប៉ុន្តែនារីៗមួយចំនួនបែរជាប្រើចំណុចខ្លាំងខ្លួនទៅបង្កើតទំនាក់ទំនងជាមួយមនុស្សប្រុសដើម្បីប្រយោជន៍វិញ ហើយមនុស្សប្រុសមួយចំនួនក៏តែងតែសោកស្ដាយតាមក្រោយ បន្ទាប់ពីដឹងថាខ្លួនកំពុងចាញ់បោកមនុស្សស្រីតាមរយៈសញ្ញាណមួយចំនួនខាងក្រោមនេះ៖

សុំឲ្យជួយមិនចេះចប់រឿង

មនុស្សស្រីដឹងច្បាស់ថានៅពេលមនុស្សប្រុសលង់ស្រឡាញ់នាងខ្លាំង បុរសម្នាក់នោះនឹងធ្វើគ្រប់យ៉ាងដើម្បីនាងមនុស្សស្រីមួយចំនួនបោកប្រាស់គេ ធ្វើឲ្យគេឈឺចាប់ បន្ទាប់ពីគេបានជួយឲ្យបំណងរបស់នាងសម្រេច។ ពេលខ្លះ បើបុរសទុកចិត្តខ្លាំង នារីទាំងនោះថែមទាំងខ្ចីលុយ ដោយមិនដឹងថាយកទៅអ្វី។ ដូចគ្នានឹងមនុស្សប្រុសដទៃមួយចំនួន ពួកគេក៏ប្រើវិធីនេះដើម្បីបោកមនុស្សស្រីស្លូតបូតផងដែរ។

ទារកាដូថ្លៃៗ

មិនមែនមនុស្សស្រីទាំងអស់ទេ ដែលបានចង់បានកាដូថ្លៃៗពីមិត្តប្រុសរបស់ពួកគេ។ ផ្ទុយទៅវិញ មនុស្សស្រីខ្លះបែរមានគំនិតផ្សេងពីនេះ នៅពេលមនុស្សប្រុសមានស្នេហាគាត់នឹងគិតថា ការចំណាយទិញកាដូថ្លៃ ជាកាតព្វកិច្ចរបស់គាត់គឺត្រូវធ្វើឲ្យមិត្តស្រីរបស់គាត់មានក្តីសុខ ហើយគាត់នឹងព្យាយាមធ្វើគ្រប់យ៉ាងដើម្បីឲ្យនាងសប្បាយចិត្ត។ ប្រសិនបើមនុស្សស្រីចង់បោកគាត់ប្រើ គេនឹងធ្វើឲ្យមនុស្សប្រុសនោះចំណាយពេលវេលាច្រើនដើម្បីគេ។ យ៉ាងណាក្ដី នៅក្នុងករណីខ្លះ មនុស្សប្រុសក៏ធ្វើដូចគ្នាដែរ ដោយគាត់ស្វែងរកតែនារីអ្នកមានដើម្បីបានលុយចាយ ដោយប្រាប់នាងថាស្រឡាញ់ស្មោះអស់ពីចិត្តជាដើម។

បង្ខំឲ្យទៅតាមគ្រប់ទីកន្លែង តែមិនឲ្យស្គាល់អ្នកជិតដិត

មនុស្សស្រីមួយចំនួនឲ្យដៃគូរបស់នាងទៅតាមគ្រប់ទីកន្លែង បើទោះជាកំដរដើរផ្សារ ឬញ៉ាំអាហារជាដើម ប៉ុន្តែមិនណែនាំឲ្យមិត្តភក្ដិ ឬក្រុមគ្រួសារស្គាល់នោះទេ។ ចំណុចនេះ គឺនាងចង់ឲ្យបុរសនោះកំដរអារម្មណ៍ប៉ុណ្ណោះ ប៉ុន្តែមិនមែនទុកជាគូអនាគតឡើយ ហើយការមិនបង្ហាញឲ្យគេដឹង ព្រោះខ្លាចមានបញ្ហាច្រើន។

ឲ្យអ្នកចេញលុយគ្រប់ពេល

នៅពេលមនុស្សប្រុស ឬមនុស្សស្រីមានបំណងចង់បោកប្រាស់ស្នេហារបស់អ្នក ពួកគេនឹងធ្វើរឿងនេះមុនគេ។ ប្រសិនបើគូស្នេហ៏របស់អ្នកសុំឲ្យអ្នកចេញប្រាក់ឲ្យ (ដោយគ្មានមូលហេតុ) នេះជាសញ្ញាមួយបង្ហាញពីស្នេហាបោកប្រាស់។ ទោះយ៉ាងណា ប្រសិនបើមានហេតុផលអន់ក្រពិតប្រាកដមែន គ្មានអ្វីខុសទេដែលត្រូវជួយគ្នានោះ។ រឿងនេះមិនរាប់ចូលជាការបោកប្រាស់ឡើយ៕

ប្រភព៖ Lovepanky ប្រែសម្រួល៖ ស៊ិន សាវ៉េត