រថយន្ត Nissan ល្បឿនលឿនផ្ដួល Bugatti ត្រៀមបើកដេញថ្លៃក្រោយថ្ងៃឆ្លងឆ្នាំ
- 2017-12-28 02:19:31
- ចំនួនមតិ 0 | ចំនួនចែករំលែក 0
រថយន្ត Nissan ល្បឿនលឿនផ្ដួល Bugatti ត្រៀមបើកដេញថ្លៃក្រោយថ្ងៃឆ្លងឆ្នាំ
ចន្លោះមិនឃើញ
រថយន្ត Nissan 300ZX បង្ហាញខ្លួននាឆ្នាំ ១៩៩១ ត្រូវបានប្រកាសបើកដេញថ្លៃក្នុងព្រឹត្តិការណ៍ BH Auction ក្នុងប្រទេសជប៉ុននាខែមករា។ ជាជំនួបអាចផ្ដួលរថយន្ត Bugatti Veyron ដែលជាកំពូលរថយន្តមានល្បឿនអតិបរមា ៤០៨ គ.ម/ម៉ ប៉ុន្តែ 300ZX របស់ក្រុមហ៊ុនប្រទេសជប៉ុនមួយនេះ វ៉ាដាច់បន្តិចដោយអាចរត់ឡើងដល់ ៤២១.៥៣៦ គ.ម/ម៉ បន្ទាប់ពីការតេស្តសាកល្បងនៅឯ Bonneville Speed Week។
បំពាក់នូវកម្លាំងម៉ាស៊ីនប្រភេទ Turbocharge អាចផលិតកម្លាំងបាន ៩៨៥ សេះ ដោយរចនាភ្ជាប់នូវធុងផ្ទុកប្រេងឥន្ធនៈទំហំធំ ខណៈផ្នែកខាងមុខមានរន្ធចំហខ្យល់ដើម្បីជំរុញឲ្យល្បឿនរត់របស់រថយន្តកើនឡើងកាន់តែខ្ពស់ ហើយផ្នែកខាងក្នុងតួរថយន្ត រចនាឡូយឆើតមិនចាញ់សំបកក្រៅ ដោយមានចង្កូតប្រភេទរថយន្តប្រណាំង បូកផ្សំគ្រឿងបរិក្ខារគួរឲ្យទាក់ទាញចិត្តជាច្រើនទៀត។
ផ្អែកតាមការរំពឹងទុកការដេញថ្លៃនៃរថយន្តស៊េរីចាស់មួយនេះ អាចថ្លៃក្បែរ ៧០,៥៦០ ដុល្លារ ដល់ ៩៧,០២០ ដុល្លារ ។ យ៉ាងណាមិញគូសបញ្ជាក់ដែរថា Nissan 300ZX មិនទាន់អាចរាប់បញ្ចូលជារថយន្តល្បឿនលឿនផ្ដាច់គេក្នុងពិភពលោកបានទេ ស្របពេលតំណែងលេខ ១ ប្រចាំឆ្នាំ ២០១៧ បានទៅលើរថយន្ត Koenigsegg Agera R មានល្បឿនអតិបរមាដល់ ៤៤០ គ.ម/ម៉ ឯណោះ។
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...
អានអត្ថបទ:
Sony RX0 កាមេរ៉ាតូច រាងមាំ ហើយបច្ចេកវិទ្យាមិនចាញ់កាមេរ៉ាធំៗ
Apple នៅតែប្រើធម៌ស្ងប់ ទោះត្រូវគូប្រជែងឆ្កឹះឆ្កៀលជាច្រើនលើកក្ដី