លោកតាអាយុ ៧៩ឆ្នាំអស់ផ្ទះនៅ គ្មានលុយចាយ ដោយសារផ្គាប់ចិត្តប្ដីក្មេង

2017-12-29 04:59:50
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកតាអាយុ ៧៩ ឆ្នាំម្នាក់ឈ្មោះ Rev Philip Clements ដែលជាបព្វជិតចូលនិវត្ត បានរៀបការជាមួយបុរសវ័យ ២៤ ឆ្នាំឈ្មោះ Florin Marin បន្ទាប់ពីបានណាត់ជួបគ្នានៅលើគេហទំព័រមួយ។ អ្នកទាំងពីរបានប្រកាន់ជំហរប្រឆាំងនឹងច្បាប់នៃសាសនាចក្រអង់គ្លេស ដែលរារាំងបព្វជិតពីអាពាហ៍ពិពាហ៍ភេទដូចគ្នា និងបានរៀបការនៅការិយាល័យចុះឈ្មោះ Ramsgate កាលពីខែមេសាឆ្នាំនេះ។

បន្ទាប់មក លោកតា Clements ក៏បានលក់ផ្ទះនៅទីក្រុង Sandwich ប្រទេស Kent ដើម្បីទិញផ្ទះល្វែងតម្លៃ ១០០ ០០០ អឺរ៉ូ (ជាង ១១ ម៉ឺនដុល្លារ) មានចម្ងាយ ១៥០០ ម៉ាយ (ជាង ២៤០០ គីឡូម៉ែត្រ) នៅប្រទេសរ៉ូម៉ានី។ ដំបូងឡើយ លោកតាបានទិញផ្ទះល្វែងនៅទីក្រុង Bucharest នោះដោយដាក់ឈ្មោះរបស់លោកផ្ទាល់ ប៉ុន្តែក្រោយមកក៏បានប្តូរទៅជាឈ្មោះលោក Marin វិញ។ គ្រាន់តែប៉ុន្មានថ្ងៃបន្ទាប់ពីលោកតា Clements បានប្រគល់កូនសោផ្ទះល្វែងថ្មីទៅឲ្យប្រុសក្មេង Marin អ្នកទាំងពីរបានឈ្លោះប្រកែកគ្នាយ៉ាងខ្លាំង ហើយក៏បានបែកបាក់គ្នា។

នៅទីបំផុត លោកតា Clements ក៏បានវិលត្រឡប់ទៅកាន់ចក្រភពអង់គ្លេសវិញដោយគ្មានលុយមួយរៀលនៅក្នុងដៃ ហើយឥឡូវលោកត្រូវពឹងផ្អែកលើមិត្តភក្តិទាំងស្រុងសម្រាប់ការស្នាក់នៅ៕