ចង់បំពេញជាតិដែក ស្ត្រីម្នាក់ប្រឹងលេបដែកគោលអស់ ១៤ឆ្នាំ ពេលថតមើលទើបភ្ញាក់ផ្អើល

2017-12-29 03:55:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីវ័យ ៧៤ឆ្នាំម្នាក់ដែលត្រូវបានគេស្គាល់ឈ្មោះថា Ninaត្រូវបានបញ្ជូនទៅកាន់មន្ទីរពេទ្យទីក្រុង Ulan-Ude ស្ថិតនៅចម្ងាយ ១៤៥ ម៉ាយ (ជាង ២០០ គីឡូម៉ែត្រ) ភាគខាងជើងព្រំប្រទល់ Mongolian ភាគអាគ្នេយ៍ប្រទេស រុស្ស៊ី ដោយសារបានលេបនូវគ្រឿងដែកចំនួន ១៥២ ដុំចូលទៅក្នុងក្រពះ។

ស្ត្រីរូបនេះ បានត្អូញត្អែរពីការឡើងកម្ដៅខ្លួនខ្ពស់ ប៉ុន្តែគ្រូពេទ្យមានការភ្ញាក់ផ្អើលយ៉ាងខ្លាំង នៅពេលពួកគេប្រើប្រាស់កាំរស្មីអ៊ិច និងបានរកឃើញវត្ថុចម្លែកជាង ១៥២ រួមបញ្ចូលទាំងដែកគោលវែង, វីសធំៗ, ត្រចៀកទ្វារ និងដែកអេតចាយផ្សេងៗនៅក្នុងក្រពះរបស់ស្ត្រីនោះ។ ស្ត្រីឈ្មោះ Nina បានប្រាប់គ្រូពេទ្យថា ខ្លួនមានជំងឺស្លេកស្លាំង ហើយគិតថាការបរិភោគវត្ថុធាតុដែក នឹងជួយបំពេញកម្រិតជាតិដែក ហើយក៏បានចាប់ផ្ដើមបរិភោគវាអស់រយៈពេល១៤ ឆ្នាំមកហើយ។

ទោះជាយ៉ាងណាក៏ដោយ គ្រូពេទ្យបាននិយាយថា ស្ត្រីរូបនេះមិនមានការរងរបួសធ្ងន់ធ្ងរនៅក្នុងបំពង់ក និងក្រពះនោះទេ។ គ្រូពេទ្យបន្ថែមថា មិនមានគ្រោះថ្នាក់ណាមួយប៉ះពាល់ដល់អាយុជីវិតទេ ហើយឥលូវនេះអ្នកស្រីកំពុងស្នាក់នៅក្នុងមន្ទីរពេទ្យបន្តទៀត៕