ស្តាប់សំឡេងមិនឮលើ Laptop អាចសាកវិធីទាំងនេះបាន

2017-12-31 02:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រើ Laptop ប្រហែលជាធ្លាប់មានបញ្ហាច្រើន ជាពិសេសលើ Audio (សំឡេង) ដោយពេលខ្លះដំណើរការ ហើយពេលខ្លះលែងដំណើរការ ជាមួយនឹងបញ្ហា Driver (កម្មវិធីតូចមួយសម្រាប់សម្របសម្រួលឲ្យមុខងារអ្វីមួយដំណើរការ), បញ្ហាលើប្រព័ន្ធ Window, បញ្ហាលើ Hardware និងបញ្ហាជាច្រើនទៀត។ ម្យ៉ាងវិញទៀត ប្រសិនបើអ្នកព្យាយាមភ្ជាប់ Laptop ទៅនឹង External speaker ឬកាស អ្នកក៏ប្រហែលជាអាចជួបបញ្ហាជាមួយនឹងសំឡេងផងដែរ។ ដូច្នេះប្រសិនបើអ្នកធ្លាប់ជាប់ ឬកំពុងជាប់បញ្ហាសំឡេងលើ Laptop អាចសាកវិធីសាស្ត្រទាំងនេះបាន។

១. ត្រួតពិនិត្យមើល Volume controls (ប៊ូតុងដំឡើង ឬបន្ថយសំឡេង)

អ្នកគួរត្រួតពិនិត្យលើ Volume controls ទាំងលើ Windows និង External speaker។ ច្រើនដងដែរ មនុស្សមួយចំនួនភ្លេចខ្លួនថាបានចុចប៊ូតុង Mute (បិទសំឡេង)លើ Keyboard ហើយមិនអាចរកឃើញហេតុផលគ្មានសំឡេង។

ក្នុងប្រព័ន្ធ Windows ចុចលើ icon សំឡេងក្នុង System tray ហើយអ្នកគួរប្រាកដថាគ្មានរង្វង់ពណ៌ក្រហមលើ icon សំឡេងនោះ។ ម្យ៉ាងវិញទៀត ប្រាកដថាសំឡេងអូសឡើងលើ។

សម្រាប់ External speaker អ្នកគួរប្រាកដថាសំឡេងបើក និងភ្ជាប់រន្ធទៅនឹងកុំព្យូទ័រឲ្យបានត្រឹមត្រូវក្នុងករណីអ្នកភ្ជាប់ដោយប្រើខ្សែ ឬពិនិត្យមើលត្រង់ Bluetooth លើ Laptop ប្រាកដថាភ្ជាប់នឹង Speaker ត្រូវឈ្មោះក្នុងករណីអ្នកប្រើ External speaker ប្រើមានមុខងារ Bluetooth។ ម្យ៉ាងវិញទៀត អាចបិទបើក External speaker ដើម្បីសម្រួលការភ្ជាប់បណ្ដាញក្នុងករណីមានបញ្ហា។

២. ត្រួតពិនិត្យមើលសំឡេងក្នុងកម្មវិធី

អ្នកអាចត្រួតពិនិត្យមើលសំឡេងលើកម្មវិធី ដោយប្រាកដថាមិនបានបិទសំឡេង។ កម្មវិធីជាច្រើនមានការគ្រប់គ្រងសំឡេងផ្ទាល់ ដូចជាកម្មវិធីចាក់មើលវីដេអូនានា ឬ Youtube។ ដូច្នេះត្រួតពិនិត្យមើលសំឡេងទាំងលើ Windows និងកម្មវិធីប្រើប្រាស់។

៣. បិទបើកប្រព័ន្ធ Windows

ករណីអ្នកមិនដឹងមានបញ្ហាអ្វី ប្រព័ន្ធប្រតិបត្តិការអាចមានបញ្ហាខ្លួនវា ដូច្នេះបើមានបញ្ហាសំឡេង អ្នកអាចសាកបិទបើកម៉ាស៊ីន ព្រោះបញ្ហាមួយចំនួនអាចកើតមានឡើង ពេលកុំព្យូទ័រប្រើបានយូរអង្វែង។

៤. Driver សំឡេង

ប្រសិនបើគ្រប់យ៉ាងដំណើរការល្អ តែបញ្ហាសំឡេងនៅតែមាន អ្នកអាចត្រួតពិនិត្យមើល Driver សំឡេង ដោយចូលទៅកាន់ Device Manager (ចុច Start វាយបញ្ចូលពាក្យ Device) > ចុចលើ Sound, video and game controllers។

ដំបូងអ្នកគួរប្រាកដថាគ្មានសញ្ញាបង្ហាញពណ៌លឿង ឬក្រហមនៅបន្ទាប់នឹង Sound device។ ប្រសិនបើមាន មានន័យថាអ្នកពុំទាន់ដំឡើង Driver សំឡេងនោះទេ។ ប្រសិនបើគ្មាន អ្នកនៅតែអាចសាកធ្វើកំណែទម្រង់ (Update) Sound card driver ដោយអាចពិនិត្យមើលម៉ូដែលហើយទាញយកលើគេហទំព័រសម្រាប់ Driver ចុងក្រោយសម្រាប់ជំនាន់ Windows អ្នកប្រើ។

៥. ត្រួតពិនិត្យការភ្ជាប់ខ្សែ

ប្រសិនបើអ្នកមានបញ្ហាសំឡេងជាមួយនឹងកាស ឬ Speaker អ្នកអាចត្រួតពិនិត្យមើលរន្ធភ្ជាប់ ក្រែងភ្ជាប់រន្ធខុស ឬមិនដុត។

ប្រសិនបើអ្នកមាន Video card អាចប្រើ HDMI ហើយអ្នកកំពុងប្រើខ្សែ HDMI ភ្ជាប់ពីកុំព្យូទ័រ ទៅ Monitor មាន Speaker លើនោះ សំឡេងប្រហែលជាមិនដំណើរការ ដោយសារ HDMI video card មិនមែនជា Default សម្រាប់ Audio device នោះទេ។ អ្នកអាចផ្លាស់ប្ដូរបាន ដោយចូលទៅកាន់ Control Panel > Sound > ចុចលើ Tab ឈ្មោះ Playback និងពិនិត្យមើល Device មានឈ្មោះ Speaker ស្របនឹងឈ្មោះ Device ជាមួយពាក្យ HDMI > ជ្រើសរើសវា ហើយចុចប៊ូតុង Set Default។

ប្រសិនបើអ្នកភ្ជាប់កាស ហើយមិនលឺសំឡេង តែពេលមិនភ្ជាប់អ្នកលឺពី Speaker របស់ Laptop អ្នកត្រូវចូលទៅកាន់ Tab ឈ្មោះ Playback ហើយកំណត់ Headphone ជា Default សម្រាប់ Audio device។ អ្នកគួរភ្ជាប់ Speaker ឬ Headphone ទៅនឹងកុំព្យូទ័រជាមុន មុនពេលបើកផ្ទាំង Sound Control Panel ហើយប្រសិនបើអ្នកមិនឃើញ Headphone ក្នុងនោះ អ្នកចុច Mouse ស្តាំ រួចជ្រើសរើស Show Disabled Items។

៦. ទាញយក Microsoft FixIt Troubleshooters

Microsoft មានដំណោះស្រាយមួយចំនួនសម្រាប់បញ្ហាសំឡេងក្នុង Windows។ អ្នកអាចទាញយក Troubleshooters ពីបញ្ជីទាំងនេះតាមបញ្ហាអ្នកកើតមាន។ អ្នកអាចសាកល្បងបាន ដោយវាជួយដោះស្រាយបញ្ហាសំឡេង និង Hardware សាមញ្ញបានលើ Window PC។

៧. កំណែទម្រង់ BIOS

Laptop របស់ Sony និង Toshiba មួយចំនួនមានបញ្ហា ដែលអ្នកត្រូវការធ្វើកំណែទម្រង់ BIOS ដើម្បីឲ្យសំឡេងដំណើរការ។ បញ្ហាអាចកើតឡើង ប្រសិនបើអ្នក Upgrade កុំព្យូទ័រទៅកាន់ Window 7 ឬទាញយកកំណែទម្រង់មួយចំនួន ហើយភ្លាមៗសំឡេងលេងដំណើរការ។ អ្នកអាចចូលទៅកាន់គេហទំព័រក្រុមហ៊ុនផលិត PC និងទាញយក BIOS សម្រាប់កុំព្យូទ័រអ្នក។ មួយវិញទៀត អ្នកអាចចូលទៅកាន់ BIOS និងប្រាកដថា Sound card បើកដំណើរការ ដោយពេលខ្លះ Sound device អាចនឹងបិទក្នុង BIOS។